කිරුළ අහිමි වූ රජු!

අපේ අන්තිම රජතුමා ඉන්දියාවේ හිරගෙදරක මැරිලා ගිය හැටි දන්නවාද?

1815 දී උඩරට ගිවිසුම ගහලා ඉංග්‍රීසින් අපේ රට බාරගද්දී, ත්‍රී සිංහලයම පාලනය කළ අභිමානවත් නායකයා, ශ්‍රී වික්‍රම රාජසිංහ රජතුමාට මොකද වුණේ?

බොහෝ දෙනෙක් හිතන්නේ එතුමාව එදාම මැරුවා කියලයි. නෑ… ඊට වඩා දරුණු මානසික වදයක් එතුමා වසර 17ක් තිස්සේ වින්දා.

මේ, කිරුළක් දරපු රජෙක්, සිරකරුවෙක් වුණු කතාවයි.

මැදමහනුවර බෝමුරේදී අත්අඩංගුවට පත්වුණු රජතුමාව, ඉංග්‍රීසින් විසින් “කෝන්වොලිස්” (HMS Cornwallis) කියන නැවෙන් ඉන්දියාවේ මදුරාසියට (චෙන්නායි) අරගෙන ගියා.

ඉන්දියාවේ “වෙලෝර්” (Vellore) කියන කොටුවේ කුඩා නිවසක තමයි රජතුමාව හිර කරලා තිබ්බේ. රජකාලේ රන් පිඟානෙන් කාපු, දෙනෙත් පාදලා බලපු රජතුමාට අන්තිමට ඉතුරු වුණේ ඉංග්‍රීසි ආණ්ඩුවෙන් මාසෙට දෙන “දීමනාව” විතරයි. එතුමා එහේදී හරිම නිහඬ, දැහැමි ජීවිතයක් ගත කළා කියලා ඉතිහාසයේ සඳහන් වෙනවා. තමන්ගේ දරුවන් සහ බිසවරුන් එක්ක සාමාන්‍ය මිනිසෙක් වගේ එතුමා ජීවත් වුණා.

ඉතිහාස වාර්තා වලට අනුව, රජතුමා නිතරම පසුතැවුණේ තමන්ගේම නිලමේවරුන්ව විශ්වාස කරලා, තමන්ගේම ජාතියට විරුද්ධ වුණ එක ගැනයි. “ඉංග්‍රීසින් මගේ ගත හිර කළාට, මගේ හිත තියෙන්නේ මහනුවර වැව රවුමේ” කියලා එතුමා වරක් ප්‍රකාශ කරලා තියෙනවා.

වසර 17ක් සිරකරුවෙක් ලෙස ජීවත් වුණු අපේ අන්තිම රජතුමා, 1832 ජනවාරි 30 වෙනිදා වයස අවුරුදු 52 දී ඉන්දියාවේදීම මිය ගියා. අදටත් චෙන්නායි නගරයේ “මුතු මණ්ඩපම්” (Muthu Mandapam) කියන ස්මාරකය ඇතුලේ අපේ අන්තිම රජතුමා නිදාගෙන ඉන්නවා.

ඇහැලේපොළ කුමාරිහාමි වගේ සිදුවීම් නිසා එතුමා කුරිරු පාලකයෙක් කියලා සමහරු කියනවා. තවත් සමහරු කියන්නේ එතුමා නිලමේවරුන්ගේ කුමන්ත්‍රණ වලට අහුවුණු අහිංසක රජෙක් කියලා.

ඉතිහාසය කොහොම වුණත්, සිංහලයේ අන්තිම රජතුමා පිටරටක සිරකරුවෙක් විදිහට මිය යාම ගැන ඔබට දැනෙන්නේ මොකක්ද?

ඔබේ අදහස පහළින් Comment කරන්න.

උපුටා ගැනීම : Sandahana – සදහන ෆේස්බුක් පිටුව