ගොවිපළෙන් පැනගොස් යෝධ බයිසන් රංචුවකට එකතු වුණු අපූරු එළදෙන

තමන්ගේ කම්මැලි ජීවිතය දාලා ගිහින් කැලෑවේ ඉන්න යෝධයන් රංචුවක් එක්ක ජීවත් වෙන්න ගිය එළදෙනෙක් ගැන ඔබ අහලා තියෙනවාද? 2017 අවුරුද්දේ අගභාගයේදී පෝලන්තයේ ගොවිපළකින් පැනලා ගිය එළදෙනෙක් සම්බන්ධයෙන් අහන්න ලැබුණේ අන්න ඒ වගේ හරිම අපූරු කතාවක්.

ගොවිපළකින් පැනලා ගිය මේ එළදෙන කෙළින්ම ගියේ පෝලන්තයේ තියෙන “Białowieża” කියන ඝන කැලෑවටයි. සාමාන්‍යයෙන් ගොවිපළක ඉන්න සතෙකුට කැලෑවේ තියෙන අධික ශීතල සහ වෘකයන් වගේ සතුන්ගෙන් බේරිලා ඉන්න එක හරිම අමාරු වැඩක්. හැබැයි මාස කිහිපයකට පස්සේ වනජීවී නිලධාරීන් මේ එළදෙනව ආයෙත් දකිනකොට ඇය හිටියේ තනියම නෙවෙයි! ඇය යෝධ “බයිසන්” (Bison) කියන කැලෑ ගවයන් 50කගේ විතර රංචුවක් එක්ක හරිම සතුටින් කැලෑවේ ජීවත් වෙමින් හිටියා.

ජීව විද්‍යාඥයන් කියන විදිහට මේ එළදෙන රංචුවට සම්පූර්ණයෙන්ම එකතු වෙලා හිටියේ නැතත්, ඇය ඔවුන්ගේ ආරක්ෂාව යටතේ රංචුවට පිටින් ජීවත් වෙන්න පුරුදු වෙලා හිටියා. රංචුව යන යන තැන ගිය ඇයට, වෘකයන්ගෙන් බේරෙන්න මේ යෝධ බයිසන් සතුන්ගෙන් ලැබුණේ ලොකු ආරක්ෂාවක්. ආයෙත් ගොවිපළේ ආරක්ෂිත ජීවිතයට යනවා වෙනුවට, කැලෑවෙන් තමන්ටම කියලා අලුත් පවුලක් හොයාගත්තු මේ එළදෙනගේ කතාව ලෝකය පුරාම ජනප්‍රිය වුණා.

උපුටා ගැනීම :Beyond Imagination – නොසිතූ ලොවක්