මරණයෙන් පස්සෙත් අවුරුදු 3000ක් ජීවත් වෙන රහස!

ඔයා දන්නවාද? මීට අවුරුදු දහස් ගණනකට කලින් මැරුණ ඊජිප්තු රජෙක්ගේ ශරීරය අදටත් නියපොතු, කොණ්ඩය පවා ඉතිරි වෙලා තියෙන්න පුළුවන් කියලා?

මේක නිකන්ම “මිනී වැලලීමක්” නෙවෙයි, ඒක මාරම විද්‍යාවක්!

පුරාණ ඊජිප්තු වැසියෝ මළ සිරුරක් “මමියක්” කරන්න පාවිච්චි කරපු මේ භයානක වගේම පුදුම හිතෙන පියවර ටික බලන්න:

මොළය නාසයෙන් එළියට ඇදීම!

ඔවුන් විශ්වාස කළේ මනුස්සයෙක් හිතන්නේ “හදවතින්” මිසක් මොළයෙන් නෙවෙයි කියලා. ඒ නිසා යකඩ කොක්කක් නාසයෙන් දාලා මොළය කෑලි වලට කඩලා එළියට ගත්තා. (ඔවුන්ට මොළය කියන්නේ වැඩකට නැති දෙයක්!)

ඉන්ද්‍රියයන් වෙනම මුට්ටි වලට!

පෙනහලු, අක්මාව වගේ දේවල් අරගෙන Canopic Jars කියන විශේෂ භාජන වල දැම්මා. හැබැයි හදවත විතරක් ශරීරය ඇතුළේම තිබ්බා. ඒ ඇයි? මරණයෙන් පස්සේ දෙවියන් ඉස්සරහා පව්-පින් මනින්න හදවත ඕනෙමයි කියලා ඔවුන් විශ්වාස කළා.

දින 40ක “ලුණු” ටීට්මන්ට් එක!

ශරීරය කුණු නොවී තියෙන්න Natron කියන ලුණු වර්ගය ඇඟ වටේම දාලා දවස් 40ක් තිබ්බා. හරියට කරවල වේලනවා වගේ ශරීරයේ තියෙන හැම වතුර බින්දුවක්ම මේකෙන් උරාගන්නවා.

ඇස් වලට “ළූණු” ගෙඩි?

ශරීරය වේලෙනකොට ඇස් ඇතුළට ගිහින් වල ගැහෙන නිසා, ඒ පෙනුම ලස්සන කරන්න මමියට ළූණු ගෙඩි දෙකක් හරි කළු ගල් දෙකක් හරි ඇස් කුහර වලට දාලා තියෙනවා දැකගන්න පුළුවන්!

ඔබ දන්නවාද? මමියකටත් Passport එකක් තිබුණා!

1974 දී දෙවන රැම්සෙස් (Ramesses II) රජුගේ මමිය පරීක්ෂණ වලට ප්‍රංශයට ගෙනියන්න වුණා. ඒ වෙලාවේ ඊජිප්තු රජය ඒ මමියට නියම Passport එකක් හැදුවා! එහි රැකියාව විදිහට දාලා තිබුණේ “රජු (මියගිය)” කියලයි.

මමි කුඩු කරලා බෙහෙත් හැදුවා?

වික්ටෝරියානු යුගයේදී මිනිස්සු හිතුවා මමි කුඩු කරලා බිව්වම ලෙඩ සුව වෙනවා කියලා. ඒ විතරක් නෙවෙයි, “Mummy Brown” කියලා පාටක් චිත්‍ර අඳින්නත් පාවිච්චි කළා.ඒක හැදුවේ ඇත්තම මමි කුඩු කරලා!

ඇයි මේ හැමදේම කළේ?

ඊජිප්තුවරුන් විශ්වාස කළේ මරණයෙන් පස්සේ තියෙන ජීවිතයට (Afterlife) යන්න නම් තමන්ගේ ශරීරය ආරක්ෂා වෙලා තිබිය යුතුමයි කියලා. ශරීරය විනාශ වුණොත් ඔවුන්ගේ “ආත්මයට” පදිංචි වෙන්න තැනක් නැති වෙනවලු.

හිතන්න.. ඔයා මැරුණට පස්සේ ඔයාගේ ශරීරය මේ වගේ අවුරුදු 3000ක් තියාගන්න ඕනේ කියලා හිතෙනවද? නැත්නම් මේක හරිම අමුතු වැඩක්ද? පහළින් ඔයාගේ අදහස කමෙන්ට් කරන්න!

උපුටා ගැනීම : Unknown Diary