මැෂින් තුවක්කු අරන් කුරුල්ලන් එක්ක යුද්ධෙට ගිහින් පැරදුණු හමුදාව

මැෂින් තුවක්කු අරගෙන හමුදාවක් කුරුල්ලන් රංචුවක් එක්ක යුද්ධෙකට ගිහින් පැරදුණා කිව්වොත් ඔබ විශ්වාස කරනවාද? 1932 අවුරුද්දේ ඕස්ට්‍රේලියාවේ සිද්ධ වුණු මේ සිදුවීම ලෝක ඉතිහාසයේ තියෙන විහිලුසහගතම යුද්ධයක් විදිහට සැලකෙනවා. මේක හඳුන්වන්නේ “මහා ඊමියු යුද්ධය” (Great Emu War) කියලයි.

පළමු ලෝක යුද්ධයෙන් පස්සේ ගොවිතැන් කරගෙන හිටපු ඕස්ට්‍රේලියානු ගොවීන්ගේ තිරිඟු වගාවන් විනාශ කරගෙන “ඊමියු” (Emu) කියන දැවැන්ත කුරුල්ලන් 20,000ක් විතර එකපාරටම කඩා වැදුණා. මේකට විසඳුමක් විදිහට ඕස්ට්‍රේලියානු රජය තීරණය කළා මැෂින් තුවක්කු සහ පතොරම් 10,000ක් එක්ක හමුදාව යවලා මේ කුරුල්ලන්ව විනාශ කරලා දාන්න. හමුදාව හිතුවේ මේක එක දවසින් ඉවර කරන්න පුළුවන් හරිම ලේසි වැඩක් වෙයි කියලයි.

හැබැයි මේ කුරුල්ලන්ට පැයට කිලෝමීටර් 50ක විතර වේගයෙන් දුවන්න පුළුවන්. හමුදාව වෙඩි තියන්න පටන් ගත්ත ගමන් මේ සත්තු එක එක පැතිවලට වේගයෙන් දුවන්න ගත්තා. මේ නිසා කුරුල්ලන්ට වෙඩි තියන්න හමුදාවට කිසිම විදිහක් තිබුණේ නැහැ. සමහර වෙලාවට හමුදාවේ මැෂින් තුවක්කු පවා හිරවුණා. දවස් කිහිපයක් තිස්සේ පතොරම් දහස් ගණනක් පාවිච්චි කළත් හමුදාවට මරාගන්න පුළුවන් වුණේ කුරුල්ලන් ඉතාම සුළු පිරිසක් විතරයි. අන්තිමේදී ලෝකයේම හිනාවට ලක්වුණු ඕස්ට්‍රේලියානු හමුදාවට තමන්ගේ පරාජය බාරගෙන ආපසු හැරෙන්න සිද්ධ වුණා.

උපුටා ගැනීම: Beyond Imagination – නොසිතූ ලොවක්