Mic
ඔබේ හොඳම යාළුවා ඔබට ගොඩක් උදව් කරනවා කියලා හිතනවාද? එහෙනම් මේ මුහුදු ඔටර් (Sea Otter) සතුන් ගැන පොඩ්ඩක් අහන්න. මේ හුරතල් සත්තු නිදාගන්න කොට එකිනෙකාගේ අත් තදින් අල්ලගන්නවා. බලන්න හරිම ලස්සන වුණාට, ඇත්තටම ඔවුන් මෙහෙම කරන්නේ ලොකු ආරක්ෂාවකටයි.
මුහුදු ඔටර් සතුන් ජීවත් වෙන්නේ රංචු පිටින්. ඔවුන් වැඩිපුරම කාලය ගත කරන්නේ සාගරයේ නිසා, නිදාගන්න එක පොඩ්ඩක් විතර අනතුරුදායක වෙන්න පුළුවන්. හිතන්න, ඔබ නිදාගෙන ඉන්නකොට මුහුදු රළට අහුවෙලා පාවෙලා ගිහින් ඔබේ පවුලේ අයගෙන් ඈත් වුණොත් මොකද වෙන්නේ? අන්න ඒ අනතුරෙන් බේරෙන්න තමයි මේ සත්තු එකිනෙකාගේ අත් අල්ලගෙන “ජීවමාන දාමයක්” හදාගන්නේ.
විශේෂයෙන්ම කුඩා පැටවුන් රළට අහුවෙලා අතරමං වෙන එක නවත්වන්න මේ පුරුද්ද ගොඩක් උදව් වෙනවා. ඒ වගේම සීතල වතුරේ ඉන්නකොට එකට ගුලි වෙලා ඉන්න එකෙන් ඔවුන්ගේ ඇඟේ උණුසුම රැකගන්නත් පුළුවන්. මේක හරියට වතුර යට කරන ආදරණීය වැළඳ ගැනීමක් වගේ. එකමුතුකම කියන දේ සතුන්ට පවා කොයිතරම් වටිනවාද කියලා මේ පුංචි සත්තු අපිට කියලා දෙනවා.
උපුටා ගැනීම : Beyond Imagination – නොසිතූ ලොවක්
