“මෙයා හරි නරක ළමයෙක්” ,“මෙයාට වඩා අනිත් ළමයි කොච්චර හොඳද”

මේ වගේ දේවල් නිතරම ඔයාගේ දරුවට ඇහෙන්න කිව්වොත් ඇත්තටම මොකද වෙන්නේ?

දරුවෙක් නරක දරුවෙක්, මුරණ්ඩු දරුවෙක්, ලැජ්ජාශීලී දරුවෙක්, මහ බයගුල්ලෙක් වගේ දේවල් දරුවන්ට ඇසෙන ලෙසින් ප්‍රකාශ කිරීම මගින් සිදුවන්නේ කුමක්ද?

දරුවා අහිංසකයි, පොඩි මනස ඇසෙන දේ නිතරම විශ්වාස කරනවා..

දෙමාපියන් නිතරම මතුරමින් කියන දේ දරුවා තදින්ම විශ්වාස කරනවා..

ඉතිං, දරුවා ඒ බවටම පත්වෙනවා..

ඒ නිසා දරුවන්ගේ මනස ධනාත්මක දේවල් වලින් විතරක්ම පුරවන්න.

මොන අඩු පාඩු තිබුනත් දරුවන් ටික ටික විශ්වාස කරන්න ගන්නවා දෙමාපියන් කියන දේවල්.

හොඳ දරුවෙක් කියලා නිතර ඇහෙනකොට දරුවන් ඉබේම ඒ බවට පත්වෙනවා..

ඒ නිසා ඔයා හරි ශක්තිමත්, ඔයා හරි හොදයි, ඔයා නිර්මාණශීලී කියලා නිතරම කියන්න.

දරුවන්ගේ දඟවැඩ, කියන දේ අහන්නේ නැති ස්වභාවයන් පොඩි කාලයේදී සාමාන්‍ය වන අතර ඉවසීමෙන් වැඩ කිරීම තුලින් අපිට ඒ දේවල් ආදරණීය බවට පත් කරගන්න පුළුවන්.

ආදරණීය වැඩිහිටියෙක් වෙන්න.දරුවට ඇහුම්කන් දෙන්න.කවමදාවත් අනිත් දරුවන් සමඟ ඔයාගේ දරුවව සන්සන්දනය කරන්න යන්න එපා.“ඔයාට වඩා අරයා හොඳයි”, “ඔයාට මොනාද පුළුවන්.එයා දක්ෂයි ඔයාට වඩා” වගේ දේවල් දරුවට කියන්න එපා.

ඉතිං අපි මේ දේවල් ටිකින් ටික හදාගමු.