Mic
අපේ පැත්තේ නම් රන් ආභරණ පළඳින්නේ බෙල්ලේ හරි අතේ හරි. හැබැයි උස්බෙකිස්තානය 
සහ මධ්යම ආසියානු රටවල ගියොත් ඔබට දකින්න ලැබෙන විශේෂ දෙයක් තියෙනවා. ඒ තමයි හිනාවෙනකොට රත්තරන් පාටින් දිලිසෙන දත්. දශක ගණනාවක් තිස්සේ මේ රටවල, විශේෂයෙන්ම වැඩිහිටි පරම්පරාවේ කාන්තාවන් අතර රන් දත් දැමීම හරිම ජනප්රිය දෙයක්.
මේක නිකන්ම විලාසිතාවක් විතරක් නෙවෙයි. මේ රටවල රන් දත් කියන්නේ ධනවත්කම, සමාජ තත්ත්වය සහ අභිමානය පෙන්වන ලකුණක්. කෙනෙක් හිනාවෙනකොට දත් රත්තරන් පාටින් බබළනවා නම්, ඒක සැලකෙන්නේ හරිම ආකර්ෂණීය දෙයක් විදිහටයි.
මේ සම්ප්රදාය පටන් ගන්න ඇත්තටම ප්රායෝගික හේතුවකුත් බලපෑවා. සෝවියට් සමූහාණ්ඩුව පැවති කාලයේ අද වගේ නවීන දන්ත වෛද්ය උපකරණ සහ අමුද්රව්ය ඒ රටවල හිඟ වුණා. ඒ නිසා දත්වලට ලෝහ ආවරණ (Crowns) යොදන්න සිද්ධ වුණා. ඉතින් සල්ලි තියෙන අය ලෝහ වෙනුවට රත්තරන් තෝරාගත්තා. කාලයත් එක්ක මේ අවශ්යතාවය සංස්කෘතික සංකේතයක් බවට පත් වුණා. සමහරු රන් දත් දැමීම සලකන්නේ තමන්ගේ මුදල් ආරක්ෂිතව තබාගන්න පුළුවන් ආයෝජනයක් විදිහටයි.
දැන් දැන් තරුණ පිරිස නවීන ක්රමවලට දත් ලස්සන කරගන්න පෙළඹිලා හිටියත්, උස්බෙකිස්තානයේ බොහෝ ප්රදේශවල තවමත් මේ “රන්වන් සිනහව” දකින්න පුළුවන්. ඒක හුදෙක් විලාසිතාවකට වඩා එහා ගිය, ඒ රටවල අනන්යතාවය සහ ඉතිහාසය පෙන්වන අපූරු දසුනක්.
මේ ගැන ඔයාගෙ අදහස පහළින් Comment කරන්න!
උපුටා ගැනීම : Naturex
