ලෝක ජල දිනය

ලෝක ජල දිනය, මාර්තු 22 වන දින සිහිපත් කරනු ලබන විශේෂ දිනයකි. මෙම දිනය සමරන්නේ ලෝකයේ පිරිසිදු ජල සම්පත්වල වැදගත්කම ගැන අවධානය යොමු කිරීම සහ ජලය සුරැකුම සඳහා ජනතාව දැනුවත් කිරීමේ අරමුණින් යුතුවය.
1992 දී බ්‍රසීලයේ රියෝදීජනෙයිරෝ නගරයේ පැවැති එක්සත් ජාතීන්ගේ පරිසර සමුළුවේදී ලෝක ජල දිනය පිළිබඳ යෝජනාවක් ඉදිරිපත් විය. ඊට අනුව 1993 වර්ෂයේ සිට ලෝක ජල දිනය නිල වශයෙන් සැමරීමට ඇරඹිනි.
2025 වසරේ ලෝක ජල දිනයේ තේමාව වන්නේ  “සාමය සඳහා ජලය”  යන්නයි. මෙය ජලය බෙදාගැනීමේ සහයෝගීතාවය මත සාමය තහවුරු කළ හැකි බව පෙන්වයි. ජලය නිසා ඇතිවන ගැටලු විසඳා ගනිමින්, රටවල් සහ ජනතාව අතර යහපත් සබඳතා ගොඩනඟා ගැනීමේ වැදගත්කම මෙය අවධාරණය කරයි.
ලෝකයේ විශාල ජනතාවකට අද වන විට පිරිසිදු ජලය නොමැත. එක්සත් ජාතීන්ගේ වාර්තා අනුව කෝටි 200කට වැඩි ජනගහනයක් පිරිසිදු ජලය ලබා ගැනීමට අපහසුතාවයට පත්ව ඇත. තවද, ජලය අපද්‍රව්‍යයන්ගෙන් දූෂිත වීමත්, අරපිරිමැස්සමක් රහිතව භාවිත කිරීමත් විශාල ගැටළුවකි.

අපිට කළ හැක්කේ කුමක්ද?

• අවශ්‍ය නොවන විට ජග කරාම වසා දමන්න.
• කාටත් පිරිසිදු ජලය වැදගත් බව වටහාදෙන්න.
• ජලය සුරැකුමට සහ ජල දූෂණය වැළැක්වීමට ක්‍රියා කරන්න.
• ජලය අරපිරිමැස්මෙන් භාවිතා කරන්න.
• ජලය ලබාදීමේ ව්‍යාපෘති සහ දායකයන්ට සහය වන්න.

ලෝක ජල දිනය අපට සිහිකර දෙනුයේ ජලය නැතිව ජීවිතය නොපවතින බවත්, එය ආරක්ෂා කළ යුතු වටිනා සම්පතක් බවත් ය. සියල්ලෝ එක්ව ජල සුරැකීමේ වගකීම දරන විට පමණක් අපගේ අනාගත පරපුරට පිරිසිදු ජලයට උරුමකම් කිව හැකියි.