සැලුන් නොයා ගෙදරදීම ලස්සන වෙන්න  සරල ක්‍රම කිහිපයක්

1. කඩල පිටි සහ කහ කුඩු face pack

කඩල පිටි නම් වසර ගණනාවක් තිස්සේ සම පැහැපත් කිරීමට සහ පිරිසිඳු කිරීමට කාන්තාවන් යොදාගත් ලස්සන වීමේ රහස් අතුරින් ප්‍රධාන එකක්. මෙය සමේ ලා පැහැය ඇති කොට සමේ පැල්ලම් ඉවත් කිරීමට දායක වනවා.

එපමණක් නොව සමේ තෙල් ගතිය අඩු කිරීම නිසා කුරුලෑ හට ගැනීමද මින් මර්ධනය වෙනවා.

කඩල පිටි මේස හැඳි දෙකකට කහ මේස හැන්ඳක් කලවම් කරන්න.

දැන් මෙයට කිරි ටිකක් දමා තලපයක් වන සේ පිරිසිඳු හැන්දකින් කලවම් කරන්න.

මෙම මිශ්‍රණය මුහුණේ හොඳින් තවරා විනාඩි 10ක් හෝ 20ක් තිබෙන්නට හැර සෝදා හරින්න

මෙම සත්කාරය තෙල් සහිත සමක් සඳහා වඩාත් සුදුසුයි.

2. කිරි face pack

කිරි යනු අප කවුරුත් දන්නා ස්වභාවික පිරිසිදුකාරකයක්. මෙය ඕනෑම වර්ගයේ සමක් මත කාර්යක්ෂමව ක්‍රියා කරයි.

සිසිල් කිරි මේස හැදි 5කට ලුණු ස්වල්පයක් එක් කරන්න.

දැන් පුළුන් ගුලියක් ගෙන මෙම කිරි මිශ්‍රණයේ පොඟවන්න.

පෙඟුණු පුළුන් ගුලිය ගෙන එහි ඇති මිශ්‍රණය මුහුණ පුරා අලේප කරගන්න.

මෙය විනාඩියක් හෝ දෙකක් තබා මෘදු ලෙස සම සම්බාහනය කර මුහුණ සෝදා හරින්න.

ලුණු හා කිරි මිශ්‍රණය සමේ රෝම කුප හොඳින් විවර කර පිරිසිඳු කරයි. මිය ගිය සම ඉවත් කරයි. එමෙන්ම කිරි වලින් සම මෘදු කොට දීප්තියක් ලබා දෙයි. සත්කාරයෙන් පසුවම ඔබට සමේ සුන්දර වෙනසක් දැකගන්නට හැකි වේවි.

3. පිපිඤ්ඤා සහ මී කිරි face pack

පිපිඤ්ඤා යනු ප්‍රධාන පවිත්‍ර කරන කාරකයක්. මෙය රසායනික ද්‍රව්‍ය මෙන් නොව, සමේ තෙල් ගතිය සමතුලිතව පවත්වා ගනිමින්ම එය පිරිසිඳු කරයි. පිපිඤ්ඤා සමේ තෙතමනය රකින්නට උපකාර වනවා. පිපිඤ්ඤා කුරුලෑ ලප කැළැල් මකා සමේ මෘදු බවක් ඇති කර එයට නැවුම් බවක් සහ පෝෂණයත් ලබා දෙනවා.

පිපිඤ්ඤා ගෙඩියක ලෙලි ඉවත් කර බ්ලෙන්ඩ්රයක් ආධාරයෙන් මිරිකාගන්න.ලබාගත් පිපිඤ්ඤා යුෂ වලට මි කිරි මේස හැඳි 2ක් හෝ 3ක් එකතු කරගන්න.

මිශ්‍රණය හොඳින් මුහුණ සහ බෙල්ලේ අලේප කරගන්න. මද වෙලාවකට පසු සීතල වතුරෙන් මුහුණ සෝදාහරින්න.

4. මීපැණි face pack

මී පැණි ඉතාම හොඳ මුහුණ පිරිසිදු කරන ද්‍රව්‍යයක්. මෙයද සමේ සමතුලතා බවට හානි නොකරම සමේ විෂබිජ සහ අපද්‍රව්‍ය ඉවත් කිරීමට උපකාර වනවා. මි පැණි ප්‍රබල ලෙස ප්‍රති-ආසාදකයක් සහ probiotic කාරකයක් වන අතර සමේ තෙතමනය රැකගනිමින් එයට පෝෂණය හා දීප්තිය ලබා දෙනවා.

කිරි තේ හැන්දක් පමණ ගෙන ඊට මී පැණි තේ හැඳි 4ක් එකතු කරන්න.

තලපයක් සේ ඝන වූ විට මාස්ක් එකක් ආකාරයට මුහුණ ආවරණය වන සේ හොඳින් තවරාගන්න.

විනාඩි 10ක් හෝ 20ක් තබා සම පිරිමදිමින් පසුව මෙය සෝදා හරින්න.

මෙය වියළි, තෙල් සහිත හෝ සාමාන්‍ය සමකට යෝග්‍යයි.

5. ඕට්ස් face pack

ඔට්මිල් (Oat Meal) යනු මෘදු පිරිසිඳුකාරකයකි. සැමට හානි නොකරම රෝම කුප තුල ඇති අපද්‍රව්‍ය ඉවත් කර පිරිසිඳු කිරීමේ හැකියාවක් ඕට්ස් වලට තිබෙනවා. මෙහි ඇති සමේ තුවාල සුව කිරීමේ ගුණාංගය නිසා සමේ තිබිය හැකි පුංචි අසාදන සුව කර කොලජන් නිෂ්පාදනය උත්තේජනය කරනවා. කිරි තේ හැඳි 1ක්, ඕට්ස් තේ හැඳි එකක් සහ මි පැණි බින්දු කිහිපයක් එකට මිශ්‍ර කරන්න.

ප්‍රමාණවත් ලෙස ජලය පුංචි ප්‍රමාණයක් එයට එක් කරමින් සමේ ආලේප කළ හැකි තලපයක් සාදාගන්න.

මෙය මුහුණ පුරා සහ බෙල්ල පුරා හොඳින් තවරාගන්න.

මිශ්‍රණය සමට කාවදින සේ හොඳින් පිරිමදින්න. මෙසේ පිරිසිඳු කරගත් සම ටික වේලාවකින් සෝදා හරින්න.