Tharushi Nimeshika
මාර්තු 20 වන දින ලෝක මුඛ සෞඛ්‍ය දිනය සැමරේ. මේ දිනයේ අරමුණ වන්නේ මුඛ සෞඛ්‍යයෙහි වැදගත්කම පිළිබඳව දැනුවත් කිරීම සහ සෞඛ්‍ය සම්පන්න ජීවිතයක් සඳහා මුඛ සෞඛ්‍යය පිළිබඳ ජනතාව දැනුවත් කිරීමයි.
🦷 මුඛ සෞඛ්‍යය ඇයි වැදගත්?
ලෝකය පුරා පුද්ගලයන් බිලියන 3.5ක් පමණ විවිධ මුඛ රෝග වලින් පීඩා විඳිනවා. නමුත් මේවා ඉතාමත් පහසු ක්‍රමවලින් වළක්වා ගත හැකියි.
ආරෝග්‍යමත් මුඛයක් යනු ලස්සන සිනහවක් පමණක් නොවයි. ඒ සමඟ හෘද රෝග අවදානම අඩු වීම, දියවැඩියාව පාලනය වීම, සහ ආත්ම විශ්වාසය වැඩි වීමත් සිදු වේ.
🪥 ඔබේ මුඛ සෞඛ්‍යය රැක ගැනීමට ක්‍රම 6ක්
✅ දිනකට දෙවරක් දත් මදින්න
✅ දවස්පතා දත් අතර පිරිසිදු වන ලෙස හොදින් දත් මැද සෝදා හරින්න
✅ සීනි සහිත ආහාර අඩු කරන්න, පෝෂණවත් ආහාර වර්ග ලබා ගන්න
✅ වැඩිපුර ජලය බොන්න
✅ අවම වශයෙන් වසරකට දෙවරක් හෝ දන්ත වෛද්‍යවරයෙකු හමුවන්න
✅ දුම්පානය සහ මත්පැන් භාවිතය අවම කරන්න
මෙවර තේමාව වන්නේ “නිරෝගිමත් මුඛයක්, සතුටුමත් ජීවිතයක්“ යනුවෙනි. ඔබේ මුඛ සෞඛ්‍යය සුරැකීමෙන් සම්පූර්ණ සිරුරම සෞඛ්‍යමත් කර ගැනීමට හැකිවේ!
අද සිට මුඛ සෞඛ්‍යය ප්‍රමුඛ කර ඔබේ සහ ඔබේ ආදරණීයයන්ගේ ජීවිතය සෞඛ්‍ය සම්පන්න කරගනිමු!
💬 මේ වෙනුවෙන් අපිට කළ හැකි දේ?
✔️ දවසට දෙවරක් දත් මැදීමට දරුවන් හුරු කරවීම
✔️ මිතුරන් සහ පවුලේ අය සමඟ මුඛ සෞඛ්‍ය උපදෙස් හුවමාරු කර ගැනීම
✔️ දන්ත වෛද්‍යවරයෙකු මුණ ගැසීම හා උපදෙස් ලබා ගැනීම
✔️ සමාජ මාධ්‍ය ඔස්සේ මෙය බෙදාහදා ගැනීම
