Overthink කෙනෙක් කියන්නේ, කියවන්න දන්නේ නැති කෙනෙක් අතට නොයායුතු පොතක් …

දැන හෝ නොදැන, හුඟක් දෙනෙක්ට පොදුවෙ තියෙන ගැටළුවක් තමයි මේ overthinking කියන්නෙ. අපි අතරින් සමහරක් ඒක manage කරගන්නවා.හැබැයි බහුතරයකට මේක නිසි පරිදි පාලනය කරගන්න බැරි වෙලා තියෙනවා.ඒ නිසා ජීවිතයේ දෛනික දේවල් පවා මඟ හැරගන්න අවස්ථා බොහොමයි.

Overthinking කියන එක overcome කරන්න ඔයාටම පුළුවන්.. ඒකට අවශ්‍ය වෙන්නෙ පුංචි උත්සාහයක් තමයී..අර කතාවක් තියෙන්නේ හිත ඇත්නම් පත කුඩා ද කියලා..ඉතින් ඔයා හිතුවොත් එහෙම ඔයාට මේක නැති කරගන්න පුළුවන්.හැබැයි ඔයාව හුඟක් stress වෙනවා නම් මේ නිසා, අනිවාර්යයෙන්ම ඔයා counselling යන එක ඔයාගෙ ඉස්සරහ ජීවිතේට හොඳයී.. ඒත් එක්කම අමතක කරන්න එපා, එහෙන් මෙහෙන් ඉඳලා හිටලා අපි හැමෝම සමහර අවස්ථාවලදී overthinkers ලා වෙනවා..

Overthinking කියන එක මේ විදියට වෙන්න පුලුවන්.

1. අතීතය ගැන ඕනවට වඩා වදවෙන එක

උදා – මං මගෙ කලින් ජොබ් එකෙන් අයින් වුණේ අපරාදෙ. මං ඒක කළා නම් මීට වඩා හොඳට ඉන්නවනේ.. වගේ දෙයක් ගැන හිත හිත ඔයා දුක් වෙනවා.

කලින් affair එක ගැන හිත හිත නිතරම ඒ ගැන වද වෙනවා.

2. අනාගතය ගැන ඕනවට වඩා වදවෙන එක

උදා – මගේ වයස හැම කෙනෙක්ම මට කලින් හොඳ තැන් වලට යයී… වගේ අනාගතේ ගැන දෙයක් හිත හිත ඔයා හිත කරදර කරගන්නවා.

Overthinking ඔය දෙකෙන් එක විදිහකට හරි, විදි දෙකටම හරි වෙන්න පුළුවන්. දැන් අපි බලමු කොහොමද මේ දේ වළක්වගන්නෙ කියලා.

*  ඔයාගෙ ඔළුව එකම දෙයක් ගැන හිතනකොට ඒක අඳුනගන්න.

සමහර වෙලාවට ඔයාලා දන්නෙම නැතුව ඔයාගෙ හිත, ඔයාගෙ ඔළුව එකම දෙයක් ගැන වදවෙනවා වෙන්න පුළුවන්. ඒ දේ නිසාම ඔයාට ඔයාගෙ අනිත් වැඩ වලටත් හරියට focus කරන්න බැරුව ඇතී.

ඒ වගේ වෙලාවට ඒ මොකක්ද කියන එක අඳුනගන්න. මොකද positive විදිහට නොහිතන තාක් ඔයාට ඒ හිතන එකෙන් වෙන හොඳක් නෑ.මේකෙදි positive mind එක ගොඩක් වැදගත්.

• ප්‍රශ්නෙ විසඳන එකට අවධානය දෙන්න.

දැන් දැන් ඔයා කරන්න ඕනේ ඒ ප්‍රශ්නෙට විසඳුමක් හොයාගන්න එක.ඒක කරන්න පුළුවන් එක එක විදි තියෙනවා.ඔයාට පුළුවන් හිතින්ම ඔයාට විසඳුමක් හොයාගන්න.ඔයා ප්‍රශ්න ගැන පොඩ්ඩක් කල්පනා කරල ඒකට විසඳු ඔයාම තීරණය කරන්න.ඕන්නං ඔයාට පුළුවන් කොලයක් අරගෙන ප්‍රශ්නය ලියලා ඒකට විසඳුමුත් ඉදිරිපත් කරන්න.

ඔයාට කිසිම idea එකක් නැත්නම්, කතා කරන්න ඔයාගෙ යාළුවෙක්, වැඩිහිටියෙක්.. කවුරුම හරි එක්ක.එහෙමත් බැරිනම් වෛද්‍යවරයෙක් හමුවන්න.සහාය පතන්න.

ඔයාගෙම සිතිවිලි වලට අභියෝග කරන්න.

පොඩ්ඩක් relax වෙන්න. ඔයාට පොඩි විවේකයක් දීලා, ඔයාම හිතලා බලන්න ඇයි ඔයා මෙහෙම වුණේ කියලා. ඔයාව මේ තත්ත්වෙට වැටෙන්න හේතුව මොකක්ද බල්න්න.

ඊළඟට, ඔයාගෙම සිතිවිලි වලට අභියෝග කරන්න. අපි හිතනවට වඩා ලොකූ මානසික ශක්තියක් අපි ඇතුළෙ තියෙනවා. ඒ නිසා ඒ ශක්තියෙන් මේ වගේ වෙලාවට උපරිම ප්‍රයෝජන ගන්න.

• Thinking time එකක් තියාගන්න.

හැමවෙලේම ඔහේ කොහෙහරි බලාගෙන දේවල් හිත හිත ඉන්නවට වඩා, වෙනසකටත් එක්ක දවසෙන් එක වෙලාවක් වෙන් කරගන්න ඔයාගෙ ප්‍රශ්න ගැන හිතන්න. අනිත් වෙලාවට හුස්ම ගන්න බැරි තරම් වැඩ කරන්න. පාඩම් වැඩ, office එකේ වැඩ, ගෙදර වැඩ, පොතක් කියවන්න, පැළයක් හිටවන්න… ඔය වගේ මොනාමහරි දෙයක්.නිර්මාණශීලී දෙයක යෙදෙන්න.ඔයා හිතුවට ඔයාට මොකුත් බෑ කියලා ඔයා කරලා බැලුවොත් ඔයාට ගොඩක් දේවල් පුළුවන්.ඔයා ඇතුලෙ හරි ලස්සන නිර්මාණශීලී මනුස්සයෙක් හැංගිලා ඉන්නවා.ඔයා මේ වෙලාවෙදි එයාව එළියට ගන්න.ඔයාට පුදුම මානසික නිදහසක් දැනෙයි.

දවසට විනාඩි 20ක් වගේ thinking time එකක් තියාගන්න. ඒ වෙලාවෙදි විතරක් ඔයාගෙ ප්‍රශ්න වලට ඔයා මොනාද කරන්න ඕන කියලා හිතන්න.

• වර්තමානයේ ජීවත්වෙන්න.

ඔයා මේ අද දවස උපරිමෙන් විඳිනවා නම්, overthinking කියන දේට ඔයාගෙ ජීවිතේ පුංචිම පුංචි ඉඩක්වත් නෑ. ඔයාලා දැකලා ඇතී, මහා ලොකුවට සල්ලි නැති වුණත් සතුටින් කාලා බීලා ජොලියෙ ඉන්න මිනිස්සු. ඒ අය මෙන්න මේ වගේ අය.

එයාලා වර්තමානයේ ජීවත්වෙනවා. එහෙම අයට ජීවිතේ සතුටින් ඉන්න හරිම ලේසියි. ඒ වගේම එයාලගෙ මානසික නිදහසත් උපරිමයී.අනික තව දෙයක්..අපි දන්නේ නෑ අපේ ජීවිත මොන විදිහට ලියවිලා තියෙනවද කියලා.ඒ නිසා අද දවස පුලුවන් තරම් සතුටින් ගත කරන්න.මං මේකෙදි කියන්නෙ නෑ අනාගතය ගැන හිත හිත දුක් වෙවී අද දවසේ ජීවත් වෙන්න ඕනේ කියලා.හැබැයි අපිට පුළුවන් එක දවසකට හැමදේම අමතක කරලා එක දවසක් සතුටින් ජීවත් වෙන්න.ඒ දවස ඔයා අද කරගන්න.

ඒ වගේම තමයි ඔයත් එක්ක ඉන්න ඔයාගේ ළඟම යාළුවා,ඔයාගේ ආදරවන්තයා,එහෙම නැත්නම් මගේ ආදරවන්තිය overthinker කෙනෙක් වෙන්න පුළුවන්.overthinking කියන්නෙම එක්තරා උමතුවක් කියලයි මට හිතෙන්නේ.ඉතින් ඔයා, ඔයා ළඟම ඉන්න කෙනාව අඳුරගන්න.එයා ඕව ටින්ක කෙනෙක් නම් එයාට ඕනේ ආරක්ෂාව, ආදරය ,පරිස්සම.එයාට ඇහුම්කන් දෙන්න.

ඉතින් ඔන්න අද ඉඳලා ඔයත් overthinker කෙනෙක් වෙන එකක් නෑ. Try කරලා බලන්න මේ දේවල් ටික. අනිවාර්යයෙන්ම ඔයාට පුළුවන් වෙයී, ඒ කරදකාර පුරුද්දට bye කියන්න.

හීන වෙනුවෙන් කැප වෙන ඔයාට ජයෙන් ජය💪