එයා “දෙපාරක් ඉපදුණා”—ඒකට හේතුව ඇත්තටම හිතාගන්නත් බැරි තරම් පුදුමයි.

2016 අවුරුද්දේ, නයිජීරියාවේ උපන් දක්ෂ ළමා ශල්‍ය වෛද්‍යවරයෙක් වන ඩොක්ටර් ඔලුයින්කා ඔලුටෝයි (Dr. Oluyinka Olutoye), ටෙක්සාස් ළමා කලල මධ්‍යස්ථානයේ විශේෂ වෛද්‍ය කණ්ඩායමක් එක්ක එකතු වෙලා හිතාගන්නවත් බැරි විදියේ පුදුම ඔපරේෂන් එකක් කළා.

බබාට සති 23ක් වෙලා තියෙද්දී, වෛද්‍යවරුන් මව්කුස විවෘත කරලා ලින්ලි (Lynlee) බබාගේ සිරුරේ පහළ කොටස පරිස්සමෙන් එළියට ගත්තා. ඒ එයාගේ ඇඟේ තිබුණු “sacrococcygeal teratoma” කියන භයානක ගෙඩියක් අයින් කරන්න.

මේ මුළු ඔපරේෂන් එක වෙලාවෙම බබා වැදෑමහට (placenta) සම්බන්ධ වෙලා හිටපු නිසා, එයාට දිගටම ඔක්සිජන් සහ පෝෂණය ලැබුණා.

මේ සැත්කම පැය පහක් විතර තිස්සේ කෙරුණා. එක වෙලාවක බබාගේ චූටි හදවත ගැහෙන වේගය අඩු වුණත්, වෛද්‍ය කණ්ඩායම ඒක ආයෙත් යථා තත්ත්වයට පත් කරගත්තා.

ඊටපස්සේ තමයි අදහගන්න බැරිම දේ වුණේ: වෛද්‍යවරු බබාව ආයෙමත් මව්කුස ඇතුළටම තියලා, ඒක හොඳින් වහලා මැහුවා. ඒ බබාට ඉතිරි කාලයත් බඩ ඇතුළෙම වැඩෙන්න ඉඩ දෙන්නයි.

සති 12කට පස්සේ, ඒ කියන්නේ ගැබ්ගෙන සති 36ක් වෙද්දී, ලින්ලි බබා නිරෝගීව මෙලොවට බිහි වුණා.

ඩොක්ටර් ඔලුටෝයි ඇතුළු කණ්ඩායමේ දක්ෂතාවය වගේම මනුෂ්‍ය ශරීරයේ තියෙන පුදුමාකාර ශක්තියත් මේකෙන් පේනවා. සමහර වෙලාවට වෛද්‍ය විද්‍යාව කරන්නේ ජීවිතයක් බේරගන්න එක විතරක් නෙමෙයි, ඒ ජීවිතයට පටන් ගන්න කලින් තව ටිකක් කාලය ලබා දෙන එකයි.

උපුටා ගැනීම : Chaminda Lakmal Kalubovila