එය සාක්කුවේ දාගත හැකි තරම් කුඩා මෝරෙක්!

අඳුරු ගැඹුරු මුහුදේ දීප්තිමත් වන පුංචි මෝරෙකු ගැන ඇසීම විද්‍යා ප්‍රබන්ධයක් වගේ දැනෙන්න පුළුවන්.

ගැඹුරු සාගර පරිසර පද්ධති පිළිබඳ අධ්‍යයනය කරමින් සිටි විද්‍යාඥයන් American Pocket Shark ලෙස හඳුන්වන ඉතා දුර්ලභ මෝර විශේෂයක් පිළිබඳව සොයාගෙන තිබේ. මෙම කුඩා මෝරා දිගින් සෙන්ටිමීටර් 14ක් පමණ වේ.

එහි ඇති විශේෂත්වය වන්නේ, ජෛවදීප්තිය (Bioluminescence) ඇති කරන විශේෂ අවයව භාවිතයෙන් අඳුරේ දීප්තියක් නිකුත් කිරීමට ඇති හැකියාවයි. මෙම ආලෝකය තම වර්ගයේ අනෙකුත් මෝරුන් සමඟ සන්නිවේදනය කිරීමට හෝ විලෝපිකයන් ව්‍යාකූල කිරීමට උපකාරී විය හැකි බව පර්යේෂකයෝ විශ්වාස කරති.

මෙක්සිකෝ බොක්ක ආශ්‍රිතව සිදු කළ මෙම සොයාගැනීමෙන් පෙන්වා දෙන්නේ, ගැඹුරු සාගර ජීවීන් පිළිබඳව මිනිසා තවමත් කොතරම් අල්ප දැනුමක් ලබාගෙන ඇත්ද යන්නයි. නව ජීවී විශේෂ අදටත් අපට හමුවෙමින් පවතින්නේ සාගරයේ සැඟවී ඇති විස්මිත ලෝකය තවමත් සම්පූර්ණයෙන් හෙළි වී නොමැති බව සිහිපත් කරමිනි.

උපුටා ගැනීම : අපි නොදුටු ලෝකය Api Nodutu Lokaya