නිශ්ශබ්දතාවයේ මාරයා!!!

කිලෝග්‍රෑම් 1,000ක දඩයක්කාරයා

ගඟේ වතුර ටික සන්සුන්ව, කිසිම සද්දයක් නැතුව ගලාගෙන යනවා…

හැබැයි ඒ එක මොහොතක් විතරයි!

ඊළඟ තත්පරයේදී මුළු දිය මතුපිටම දෙදරුම් කවමින්, දිය බිඳිති අහසට විසි කරලා, තමන්ගේ මාරාන්තික දත් පේළියත් විවෘත කරගත්ත මහා දැවැන්තයෙක් වතුරෙන් උඩට මතු වෙනවා. ඒ තමයි කරදිය කිඹුලා (Saltwater Crocodile)!

එක තත්පරයක නිශ්ශබ්දතාවයක්… ඊළඟ තත්පරයේදී සිද්ධ වෙන මහා පිපිරීමක්…

හැබැයි මේක නිකන්ම කලබලයට සිද්ධ වෙන ප්‍රහාරයක් නෙවෙයි. මේක පිටුපස තියෙන්නේ අඟලටම ගණනය කරපු මාරාන්තික සැලසුමක් (Precision).

ප්‍රමාණය නෙවෙයි බය, ඒකෙ තියෙන “ටයිමින්” එක!

ලෝකයේ දැනට ඉන්න විශාලම උරගයා වෙන්නේ මේ කරදිය කිඹුල්ලු. පිරිමි කිඹුලෙක් සාමාන්‍යයෙන් මීටර් 6කට වඩා දිගින් වැඩි වෙනවා වගේම, බර කිලෝග්‍රෑම් 1,000ක් (ටොන් එකක්) විතර වෙනවා. උන්ගේ හකු පීඩන බලය (Bite Force) මුළු සත්ව ලෝකයේම සටහන් වුණු ප්‍රබලම ශක්තීන්ගෙන් එකක්.

හැබැයි මේ හැමදේටම වඩා උන්ව බය හිතෙන සතෙක් කරන්නේ උන්ගේ “ටයිමින්” (Timing) එකයි.

කිඹුලෙක්ට තමන්ගේ ඇස් සහ නාස් පුඩු විතරක් වතුරෙන් උඩට දාගෙන, පැය ගණනාවක් එකම තැනක කිසිම සෙලවීමක් නැතුව ඉන්න පුළුවන්. උන්ගේ මුළු සිරුරම නිර්මාණය වෙලා තියෙන්නේ සැඟවී සිට පහරදීමට (Ambush). තමන්ගේ බලසම්පන්න වල්ගයෙන් දෙන එකම එක ගැම්මෙන්, ඇසිපිය හෙලන සැණින් උන් ඉස්සරහට පනිනවා. ඒ ප්‍රහාරය වේගවත්, පාලනයක් සහිතයි, වගේම අවසානයි!

මාරක ග්‍රහණය සහ මරණයේ කරකැවිල්ල

උන්ගේ දත් පිහිටලා තියෙන්නේ ගොදුරක් හපලා කන්න නෙවෙයි; ගැලවෙන්න බැරි වෙන්න එක තැනක හිර කරලා අල්ලගන්න (Clamp).

එක පාරක් ඒ හකු අතරට ගොදුරක් හිර වුණොත්, ඊළඟට ඒ ගොදුර ඇදගෙන යන්නේ වතුර යටට. එතනින් එහාට සටන් බිම වෙන්නේ ගඟ පතුලයි. කිඹුලා තමන්ගේ මුළු බර සහ සිරුර අධික වේගයෙන් කැරකවීම (Death Roll) හරහා තමන්ගේ ග්‍රහණයට අහු වුණු ඕනෑම සතෙක්ව අඩපණ කරලා දානවා.

ඩයිනසෝරයන්ටත් වඩා පැරණි ඉතිහාසයක්

මේ දඩයක්කාරයා අද ඊයේ ආපු සතෙක් නෙවෙයි. දැනට ඉන්න ක්ෂීරපායී සතුන්ටත් වඩා උන් පැරණියි. මීට වසර මිලියන 200කට වඩා පෙර ඉඳන්, මහා වඳවී යාම් රැසකින් පවා බේරිලා ජීවත් වෙන්න මේ කිඹුල් පරපුරට පුළුවන් වුණා.

ඒකට හේතුව උන්ගේ තියෙන හැඩගැසීමේ හැකියාව, ඉවසීම සහ කාර්යක්ෂමතාවයයි.

අපිට එකපාරටම දකින ක්ෂණික ප්‍රහාරයක් පිටුපස, උන් විනාඩි ගණනාවක් හෝ පැය ගණනාවක් තිස්සේ වතුර යට නිසලව බලන් හිටපු ලොකු ඉවසීමක් තියෙනවා.

කැලෑවේ නීතිය ඒකයි; අනතුර කවදාවත් ශබ්ද කරලා එන්නේ නැහැ. ඒක බලන් ඉන්නවා…

ඊටපස්සේ එකපාරටම ක්‍රියාත්මක වෙනවා.

ඒ ප්‍රහාරයෙන් පස්සේ… මුළු ගඟම ආයෙත් පරණ විදිහටම නිශ්ශබ්ද වෙනවා.

උපුටා ගැනීම : Unknown diary