Mic
සාමාන්යයෙන් මාළුවෙක් කිව්වම අපිට මතක් වෙන්නේ වතුරෙන් ගොඩට ගත්ත ගමන් මැරෙන සතෙක්ව වුණත්, මේ කියන්න යන්නේ වතුරෙන් ගොඩට ආවත් දවස් ගණනාවක් ජීවත් වෙන්න විතරක් නෙවෙයි, ගොඩබිම දිගේ ඇවිදින්නත් පුළුවන් අමුතුම මාළු විශේෂයක් ගැනයි. මුලින්ම ආසියානු කලාපයෙන් හමු වූ “නොදර්න් ස්නේක්හෙඩ්” (Northern Snakehead) නමැති මේ විලෝපික මාළු විශේෂය, මේ වන විට ඇමරිකා එක්සත් ජනපදයේ ජල මාර්ග කරා ව්යාප්ත වී ඇති අතර එරට බලධාරීන්ගේ දැඩි අවධානයට ලක්වූ ආක්රමණශීලී ජීවී විශේෂයක් (Invasive Species) බවට පත්ව තිබෙනවා.
මේ මාළුවාව මෙච්චර විශේෂ වෙන්න ප්රධානතම හේතුව තමයි ඌට වායුගෝලයෙන් සෘජුවම ඔක්සිජන් ලබාගෙන හුස්ම ගැනීමට ඇති සුවිශේෂී හැකියාවයි. උගේ කරමල් අසල පිහිටා ඇති සුවිශේෂී අවයවයක් මඟින් වායුගෝලයෙන් සෘජුවම ඔක්සිජන් උරා ගැනීමට මේ මාළුවාට පුළුවන්. මේ නිසා උගේ ශරීරය මතුපිට තෙතමනය පවතින තාක් කල්, වතුරෙන් පිටත දින 4ක් වුවද කිසිදු කරදරයකින් තොරව ජීවත් වීමේ හැකියාව ඌ සතුයි. පුදුමයට කරුණ නම් ඌ ගොඩබිමදී නිකම්ම ඉන්නේ නැති වීමයි. තමන්ගේ වරල් සහ ශරීරය භාවිත කරමින් තෙත් සහිත පොළොව, මඩ සහ වෙනත් බිම් මතුපිටවල් දිගේ ඇවිද යමින් අලුත් පොකුණු, වැව් සහ ගංගා කරා ගමන් කිරීමටද මේ ස්නේක්හෙඩ් මාළුවාට පුළුවන්.
යම් ජලාශයක මේ මාළු විශේෂය බෝ වුවහොත්, උන් එහි සිටින අනෙකුත් ජීවීන්ට මාරාන්තික තර්ජනයක් වෙනවා. මක්නිසාද යත් උන් කුඩා මාළුන්, උභයජීවීන්, කබොලුන් (Crustaceans) සහ අනෙකුත් ජලජ සතුන් දඩයම් කර කන බලවත් විලෝපිකයෙකු වන බැවිනි. එමෙන්ම මේ විශේෂයේ එක වැඩුණු ගැහැණු මාළුවෙකුට එකවර බිත්තර 50,000ක් දක්වා බිහි කළ හැකි නිසා උන්ගේ ගහනය ඉතාමත් සීඝ්රයෙන් ව්යාප්ත වෙනවා.
මේ නිසා ඇති විය හැකි පාරිසරික අවදානම සැලකිල්ලට ගෙන ඇමරිකාවේ වනජීවී ආයතන මේ මාළු ගහනය ගැන දැඩි අවධානයෙන් පසුවන අතර, බිලී පිතිකරුවන් ඇතුළු ධීවරයන්ට උපදෙස් දෙන්නේ මේ මාළුවෙකුව හමු වුවහොත් කිසිසේත්ම නැවත ජලාශවලට මුදා නොහරින ලෙසයි. පෙනුමෙන් සාමාන්ය මාළුවෙකු වැනි වුවත්, හුස්ම ගැනීමේ සහ ගොඩබිම ගමන් කිරීමේ ඇති මේ අරුම පුදුම හැකියාව නිසාම නොදර්න් ස්නේක්හෙඩ් අද වන විට උතුරු ඇමරිකාවේ වඩාත්ම කතාබහට ලක්වන සත්ව විශේෂයක් වී හමාරයි.
ඔබේ අදහසත් පහළින් කමෙන්ට් කරන්න. 
උපුටා ගැනීම : Bee3
