රාමායණයේ ලොව භයානකම සහ අද්භූත “දණ්ඩකාරණ්‍ය” වනාන්තරය

“දණ්ඩකාරණ්‍යය” (Dandakaranya) කියන නම ඇහෙද්දීම අපිට මතක් වෙන්නේ රාමායණ කතාවේ එන අද්භූත, ඒ වගේම සැගවුණු වනාන්තරයක්නේ. සංස්කෘත භාෂාවෙන් “දණ්ඩ” කියන්නේ දඬුවම, “අරණ්‍ය” කියන්නේ වනාන්තරය. ඒ කියන්නේ “දඬුවම් ලබන මිනිස්සුන්ගේ වනාන්තරය” කියන එක. හැබැයි ඉතින් ගොඩක් දෙනෙක් හිතන් ඉන්නේ මේක නිකන්ම නිකන් කතාවක් විතරයි කියලා. ඒත් ඔබ දන්නවාද මේ වනාන්තරය අදටත් ඉන්දියාවේ සැබෑවටම තියෙන, ලෝකයේ තියෙන භයානකම සහ අඳුරුතම වනාන්තර කලාපයක් කියලා?

කොහේද තියෙන්නේ?

මේක වර්ග කිලෝමීටර් 92,000 කට වඩා (වර්ග සැතපුම් 35,600 ක් විතර) දැවැන්ත භූමි ප්‍රමාණයක පැතිරිලා තියෙන මහා කැලෑවක්. නැගෙනහිර සහ මධ්‍යම ඉන්දියාවේ ප්‍රාන්ත කිහිපයකටම මේ වනාන්තරය අයිති වෙනවා. මේකේ ලොකුම කොටස තියෙන්නේ චත්තිස්ගාර් (Chhattisgarh) ප්‍රාන්තයේ බස්තාර් කියන පැත්තේ. ඊට අමතරව ඔඩිෂා, තෙලන්ගානා සහ ආන්ද්‍රා ප්‍රදේශ් කියන ප්‍රාන්ත වෙනකම්ම මේ මහා වනාන්තරය විහිදිලා තියෙනවා. උතුරින් කඳුකරයෙනුත්, දකුණින් ගෝදාවරී ගඟෙනුත් වටවුණු මේ කැලේ සමහර හරියක් කොච්චර ඝනද කියනවා නම්, දවල්ටවත් ඉර එළිය පොළොවට වැටෙන්නේ නැති තරම් කළු කරලා අඳුරු වෙලයි තියෙන්නේ.

රාමායණයේ එන ඓතිහාසික කතාව

රාමායණ කතාවට අනුව, ශ්‍රී රාම කුමාරයා, සීතා දේවිය සහ ලක්ෂ්මණ තමන්ගේ අවුරුදු 14 ක මාරාන්තික වනවාසයෙන් අවුරුදු 13 ක්ම ගත කළේ මේ දණ්ඩකාරණ්‍ය වනාන්තරයේයි. ඒ කාලේ දශරථ රජ්ජුරුවන්ගේ ශාපයක් නිසා මේක අමු මූසල කැලෑවක් වෙලයි තිබ්බේ. ඍෂිවරුන්ගේ යාග හෝම විනාශ කරපු, ලේ පිපාසිත රාක්ෂයෝ සහ දරුණු ගෝත්‍රිකයෝ තමයි ඒ දවස්වල මෙහේ රජ කරලා තියෙන්නේ. රාම කුමාරයා විසින් මේ කැලේ හිටපු ඛර සහ දූෂණ ඇතුළු දරුණු රාක්ෂයෝ 14,000 ක් විනාශ කරලා ඍෂිවරුන්ව බේරගත්තේත් මේ භූමියේදීම තමයි. ඒ වගේම තමයි, අවසානයේ ලංකාවේ රාවණා රජ්ජුරුවෝ සීතා දේවියව පැහැරගෙන යන්නෙත් මේ වනාන්තරයේ පිහිටලා තිබුණු “පංචවටී” කියන ආශ්‍රමයේ ඉන්නකොටයි.

ලේ පිපාසිත විලෝපිකයන් සහ විෂඝෝර සර්පයන්

අදටත් දණ්ඩකාරණ්‍යය කියන්නේ සාමාන්‍ය මිනිහෙකුට තනියම අඩියක්වත් තියන්න බැරි තරම් දරුණු සත්තු ඉන්න තැනක්.

බෙංගල් ව්‍යාඝ්‍රයන් (Bengal Tigers): මේ කැලේ රජ්ජුරුවෝ තමයි බෙංගල් ව්‍යාඝ්‍රයෝ. ඕනෑම වෙලාවක මේ කැලේ ඇතුළේදී ව්‍යාඝ්‍රයෙක්ට ගොදුරු වෙන්න පුළුවන්.

ඉන්දීය කොටියන් (Indian Leopards): ගස් උඩ හැංගිලා ඉන්න, හරිම සූක්ෂ්ම සහ කපටි විලෝපිකයෙක් වෙන ඉන්දීය කොටියනුත් මෙහේ වැහිවැහැලා.

විෂඝෝර සර්පයන්: ඉන්දියාවේ වැඩිම සර්ප දෂ්ටන ප්‍රමාණයක් වාර්තා වෙන්නේ මේ පැත්තෙන්. මොකද ලෝකයේ දිගම විෂ සර්පයා වෙන රාජ නාගයන් (King Cobra), හිතාගන්න බැරි තරම් වේගයෙන් දෂ්ට කරන වැලි පොළඟුන් (Saw-scaled Viper) සහ දරුණු විෂ තියෙන තිත් පොළඟුන් (Russell’s Viper) මේ කැලේ හැමතැනම සැඟවිලා ඉන්නවා. මීට අමතරව දැවැන්ත පිඹුරෝ සහ මිනිස්සුන්ව බරු ගහන ඉන්දීය වලසුන් (Sloth Bears) නිසා මේ වනය නිරන්තරයෙන්ම මරණයේ දොරටුවක් වෙලයි තියෙන්නේ.

සැබෑ ලෝකයේ තියෙන අනෙක් මාරාන්තික අනතුරු

රාමායණ යුගයේ රාක්ෂයෝ හිටියා වගේම, වර්තමාන දණ්ඩකාරණ්‍යයේ මිනිස්සු නිසා ඇතිවුණු තවත් ලොකු අවදානමක් තියෙනවා.

1. නක්සල්වාදී (Naxalite) තර්ජන: ඉන්දියාවේ ඉන්න දරුණු සන්නද්ධ කණ්ඩායමක් වෙන ‘නක්සල්වරු’ තමන්ගේ ප්‍රධානම සැඟවුම් මධ්‍යස්ථාන සහ ගරිල්ලා පුහුණු කඳවුරු හදලා තියෙන්නේ මේ ඝන දණ්ඩකාරණ්‍ය වනාන්තරය ඇතුළේ. ඒ නිසා මෙහාට ඇතුළු වෙන ඕනෑම බාහිර පුද්ගලයෙක්ව ඔවුන් අතින් ඝාතනය වෙන්න ලොකු ඉඩක් තියෙනවා.

2. නොදියුණු ආදිවාසී ගෝත්‍ර: බාහිර ලෝකය එක්ක කිසිම සන්නිවේදනයක් නැති, අදටත් තමන්ගේ පැරණි වනචාරී දඩයම් ක්‍රම අනුගමනය කරන ‘ගොන්ඩ්’ (Gond) සහ ‘අබුජ්මාරියා’ වගේ ආදිවාසී ගෝත්‍රිකයෝ මේ වනාන්තරයේ ගැඹුරුම හරියේ ජීවත් වෙනවා.

අතීතයේ නටබුන් අදටත් දකින්න තියෙනවාද?

පුදුම වැඩේ කියන්නේ මේ වනාන්තරයේ තියෙන “භද්‍රාචලම්” සහ “පංචවටී” වගේ පැතිවල ශ්‍රී රාම, සීතා සහ ලක්ෂ්මණ ජීවත් වුණා කියලා විශ්වාස කරන ආශ්‍රමවල නටබුන් වගේම, සීතා දේවිය නාපු “සීතා කුන්ඩ්” කියන දියකඩිති අදටත් දකින්න ලැබෙනවා.

ඉතින් මිථ්‍යාව සහ සැබෑ ලෝකය එකට යා වෙන මෙන්න මේ වගේ අද්භූත වනාන්තර ගැන ඔබ මොකද හිතන්නේ?

ඔබේ අදහස පල්ලෙහායින් කමෙන්ට් කරන්න.

මේ වගේ නොදන්න ගොඩක් දේවල් යාළුවන්ටත් බලන්න Share කරන්න අමතක කරන්න එපා!

උපුටා ගැනීම : Unknown diary