සමුද්‍රයේ වේගයෙන් යන සුපිරි ධාවකයා!

ඔබ දන්නවාද මුහුදේ ඉන්න වේගවත්ම ජීවියා කවුද කියලා? ඒ තමයි සෙයිල්ෆිෂ් (Sailfish)! ගොඩබිම ඉන්න වේගවත්ම සත්වයා චීටා නම්, මුහුදේ ඒ ගෞරවය හිමි වෙන්නේ මෙයාටයි.

කවුද මේ සෙයිල්ෆිෂ්?

විද්‍යාත්මකව මොවුන් Istiophoridae කුලයට අයත් වෙනවා. මෙයාලා මර්ලින් (Marlin) සහ swordfish මාලුවට පෙනුමෙන් සමාන වුණත්, පිටේ තියෙන විශාල “වරල” නිසා ලෙහෙසියෙන්ම හඳුනාගන්න පුළුවන්.

ප්‍රමාණය සහ පෙනුම

• දිග: සාමාන්‍යයෙන් අඩි 10ක් (මීටර් 3ක්) විතර වෙනකම් වැඩෙනවා.

• බර: කිලෝග්‍රෑම් 90ක් විතර වෙනකම් බර වෙන්න පුළුවන්.

• සුවිශේෂී “රුවල”: මෙයාගේ පිටේ තියෙන විශාල වරල රුවලක් වගේ. අවශ්‍ය වෙලාවට විතරක් මේ වරල දිග හරින මෙයා, වේගයෙන් යද්දී ඒක ශරීරයටම නමාගෙන ජලයේ ප්‍රතිරෝධය අඩු කරගන්නවා.

විස්මිත වේගය

මෙයාට පැයට කිලෝමීටර් 110 ක වේගයෙන් පිහිනන්න පුළුවන්. ඒ කියන්නේ හයිවේ එකක යන වාහනයක වේගයටත් වැඩියි! සාමාන්‍ය මත්ස්‍යයෙකුට හීනෙකින්වත් හිතන්න බැරි වේගයක් මෙයාලට තියෙන්නේ.

ජීවත් වන ප්‍රදේශ

සෙයිල්ෆිෂ් ලෝකයේ උණුසුම් සාගර කලාපවලට වැඩියෙන් කැමතියි. විශේෂයෙන්ම අත්ලාන්තික් සහ ඉන්දු-පැසිෆික් සාගර කලාපවල මොවුන් බහුලව දකින්න ලැබෙනවා.

දඩයම් උපක්‍රම

මෙයාගේ උල් වුණු හොට හරියට කඩුවක් වගේ. දඩයම් කරද්දී කුඩා මත්ස්‍ය රංචු අතරට ගිහින් මේ හොටෙන් පහර දීලා ගොදුරු අඩපණ කරන්න මෙයා දක්ෂයි. ඒ වගේම දඩයම් කරන වෙලාවට ශරීරයේ වර්ණය තත්පර කිහිපයකින් වෙනස් කරලා ගොදුරුවල ඇස් නිලංකාර කරන්නත් මෙයාලට පුළුවන්!

මේ වගේ විස්මිත තොරතුරු තවත් දැනගන්න අපේ පිටුව Follow කරන්න!

උපුටා ගැනීම : Unknown Diary