සාමාන්‍ය හිපෝට වඩා 10 ගුණයක් කුඩා!

මධ්‍යම සහ බටහිර අප්‍රිකාවේ අද්භූත “Pygmy Hippo”

අපි කවුරුත් දන්න සාමාන්‍ය හිපොපොටේමස්ලා කියන්නේ ටොන් 3-4ක් විතර බර, පට්ටම ආක්‍රමණශීලී, ගඟකට බැස්සොත් කිඹුල්ලු පවා බයෙන් පැනලා යන සත්තු ජාතියක්නේ.

හැබැයි ඔයාලා දැනගෙන හිටියද… අප්‍රිකාවේ ඝන වැසි වනාන්තර අස්සේ, සාමාන්‍ය හිපෝ කෙනෙක්ගෙන් 10න් පංගුවක් විතරක් වෙන, අමුතුම කුරු හිපෝ විශේෂයක් ඉන්නවා කියලා?

1. ජීව විද්‍යාත්මක වර්ගීකරණය

විද්‍යාත්මක නාමය (Scientific Name): Choeropsis liberiensis (Hexaprotodon liberiensis)

කුලය (Family): Hippopotamidae (හිපොපොටමිඩේ කුලය – සාමාන්‍ය හිපෝලා අයත් වන කුලයමයි)

ගණය (Genus): Choeropsis

2. මෙයාලා ඉන්නේ කොහෙද?

මේ අද්භූත කුරු හිපෝලා ජීවත් වෙන්නේ බටහිර අප්‍රිකාවේ ඝන වැසි වනාන්තර සහ වගුරු බිම් (Swamps) ආශ්‍රිතවයි.

විශේෂයෙන්ම ලයිබීරියාව (Liberia), සියෙරා ලියොන් (Sierra Leone), ගිනියා (Guinea) සහ අයිවරි කෝස්ට් (Ivory Coast / Côte d’Ivoire) කියන රටවල ඝන කැලෑ ඇතුළේ උන්ව දකින්න ලැබෙනවා. (මින් 80%කට වඩා වැඩි ප්‍රමාණයක් ඉන්නේ ලයිබීරියානු වනාන්තරවලයි).

3. ප්‍රමාණයෙන් පුංචි වුණාට වැඩ පට්ට!

සාමාන්‍ය හිපෝ කෙනෙක් අඩි 5ක් විතර උස වෙද්දී, මේ Pygmy Hippo කෙනෙක්ගේ උස අඩි 2.5-3ක් විතරයි! (හරියට ලොකු බල්ලෙක්ගේ ප්‍රමාණය). දිග මීටර් 1.5-1.75ක් විතර වෙන අතර බර කිලෝග්‍රෑම් 180-275ක් අතර වෙනවා.

4. වතුරට වඩා කැලෑවට ආදරේ අද්භූත ජීවියෙක්

සාමාන්‍ය හිපෝලා දවසෙන් වැඩි හරියක් ගංගා සහ විල්වල රංචු පිටින් ඉන්නකොට, Pygmy Hippo කියන්නේ ඝන කැලෑ ඇතුළේ තනිවම ජීවත් වෙන (Solitary) සතෙක්. උන් වතුරට බැස්සත් ගොඩක් වෙලාවට කරන්නේ කැලෑවේ කොළ රොඩු, ගලන ඇළ දොළවල් සහ පඳුරු අස්සේ සැඟවිලා ඉන්න එක.

5. ඇඟෙන් ගලන “ලේ පාට” දහඩිය! (Blood Sweat)

මේ හිපෝලාගේ හමේ අමුතුම රෝස/තැඹිලි පාට දියරයක් වෑස්සෙනවා. බලද්දී ඒක ලේ වගේ පෙනුණට, ඒක උන්ගේ හම අව්වෙන් සහ බැක්ටීරියාවලින් ආරක්ෂා කරන්න ස්වාභාවිකවම හැදෙන විශේෂිත ආරක්ෂිත දියරයක් (Sunscreen)!

6. මෙයාලා ඇත්තටම දරුණුද?

මිනිසුන්ට දරුණු නෑ: සාමාන්‍ය හිපොපොටේමස්ලා වගේ ප්‍රචණ්ඩ හෝ මිනිස්සුන්ට කෙලින්ම පහරදෙන සත්තු ජාතියක් නෙවෙයි. උන් ඉතාම ලැජ්ජාශීලී (Shy) සහ මිනිස්සුන්ගෙන් හැංගිලා ඉන්න බලන අහිංසක සතුන් කොටසක්.

තර්ජනයක් වුණොත් විතරක්: උන්ට තර්ජනයක් වුණොත් හෝ කොටු වුණොත් උන්ගේ තියෙන කට සහ උඩ-යට තියෙන මුවහත් දත්වලින් සටන් කරන්න පුළුවන්. හැබැයි සාමාන්‍ය හිපෝලා වගේ ආක්‍රමණශීලී නෑ!

7. මිනිස් ඇහැට ලේසියෙන් හමු නොවන අභිරහස

උන්ගේ තියෙන නිහඬ බව සහ ඝන කැලෑවල විතරක් සැඟවිලා ඉන්න ස්භාවය නිසා, විද්‍යාඥයන්ට පවා මුන්ව ස්වාභාවික පරිසරයේදී අධ්‍යයනය කරන්න ලැබෙන්නේ ඉතාම කලාතුරකින්. රාත්‍රී කාලයට විතරක් ගොදුරු සොයා යන නිසා මුන්ව දකින්න ලැබෙන්නෙත් නැති තරම්.

8. ලෝකයෙන්ම වඳවී යාමේ දැඩි තර්ජනය!

අවාසනාවකට වගේ, නීති විරෝධී ලෙස කැලෑ කැපීම සහ දඩයම් කිරීම නිසා මේ වන විට මුළු ලෝකයේම ඉතිරිව ඉන්නේ Pygmy Hippos ලා 2,500කටත් වඩා අඩු ප්‍රමාණයක්! ඒ නිසා උන්ව ලෝක රතු දත්ත පොතට (Endangered Species) ඇතුළත් කරලයි තියෙන්නේ.

ඒ වගේම ලංකාවේ අපිට මේ අපූරු සත්වයා දෙහිවල සත්වෝද්‍යානයේදී බලා ගන්නත් අවස්ථාව තියෙනවා.

ලෝකයේ මෙතෙක් නොවිසඳුණු අභිරහස්, ස්වාභාවික විස්මයන්, භයානක වනජීවීන් සහ පරීක්ෂණාත්මක තොරතුරු දැනගන්න අදම අපේ “Enjoy LK” පිටුව Follow කරලා එකතු වෙන්න!

Unknow Diary