AI නිර්මාණයක් යැයි ලොවම රැවටූ, සැබෑ සුදු සිංහ පැටවා ලූනා!

සුදු සිංහ පැටවකුගේ ඇස් වටා ඇති දිගු, කළු පැහැති ඇහිපිහාටු මේ දිනවල ලොව පුරා බොහෝ දෙනාගේ අවධානය දිනාගෙන තිබෙනවා.

දකුණු කොරියාවේ ඩේගු (Daegu) නගරයේ නේචර් පාර්ක් සත්වෝද්‍යානයේ ජීවත් වන ලූනා (Luna) නම් මෙම සුදු සිංහ පැටවා කැමරාව දෙස බලා සිටින අයුරු දැක්වෙන ඡායාරූප සමාජ මාධ්‍ය ඔස්සේ වේගයෙන් පැතිර ගියා.

ඇගේ ලා නිල් පැහැයට හුරු අළු පැහැති ඇස් සහ දිගු, කළු පැහැතිව වක්‍ර වූ ඇහිපිහාටු කාගේත් සිත් ඇදගන්නා සුළුයි. ඇගේ අසාමාන්‍ය පෙනුම නිසා ලොව පුරා බොහෝ දෙනෙක් ඇය ගැන කතා කරන්නට පටන් ගත්තා.

ඇගේ ඇහිපිහාටු කෘත්‍රිමව සකස් කළ ඒවා බවත්, නැතහොත් කෘත්‍රිම බුද්ධිය (AI) භාවිතයෙන් නිර්මාණය කළ රූපයක් බවත් ඇතැමුන් සිතුවා.

නමුත් පුදුමයට කරුණ නම්, ලූනාගේ ඇහිපිහාටු සැබෑ ඒවා වීමයි!

ඇගේ සුදු පැහැති ලොම් ද දුර්ලභ ජානමය ලක්ෂණයක් නිසා ඇති වූවක්.

ස්වභාවධර්මයේ අපූර්වත්වය මොනතරම් විස්මයජනකද කියා ලූනාගේ මේ සුන්දර පෙනුම අපට නැවතත් මතක් කර දෙනවා.

මූලාශ්‍ර: Korea JoongAng Daily, The Korea Herald

අපි නොදුටු ලෝකය Api Nodutu Lokaya