පර්යේෂණවලින් හෙළි වී ඇති පරිදි ඔබේ නිවසේ වැඩිපුරම විෂබීජ පිරුණු තැන තමයි කුස්සියේ තියෙන “ස්පොන්ජ් කෑල්ල”

සාමාන්‍ය වැසිකිළි පෝච්චියක තියෙනවාට වඩා 200,000 ගුණයක් බැක්ටීරියා ඔබේ ස්පොන්ජ් එකේ තියෙන්න පුළුවන්.

ඇයි මේක මෙච්චර භයානක? 

විෂබීජ වල “ග්‍රෑන්ඩ් හොටෙල්” එක:
ස්පොන්ජ් එකේ තියෙන සිදුරු ඇතුළේ රැඳෙන කෑම කෑලි සහ තෙතමනය නිසා Salmonella සහ E. coli වැනි දරුණු විෂබීජ ඉතා වේගයෙන් බෝ වෙනවා.

පිඟන් හෝදනවා නෙවෙයි විෂබීජ තවරනවා:
පරණ ස්පොන්ජ් එකකින් පිඟන් හෝදද්දී ඔබ කරන්නේ පිරිසිදු පිඟානක් මත විෂබීජ තට්ටුවක් ආලේප කරන එකයි. නිතර හැදෙන බඩේ අමාරුවලට හේතුව කඩේ කෑම නෙවෙයි ඔබේ කුස්සියේ ස්පොන්ජ් එක වෙන්න පුළුවන්!

අදම මේ දේවල් කරන්න: 

 සතියෙන් සතිය මාරු කරන්න: රුපියල් 50-60ක් ඉතිරි කරන්න ගිහින් ලෙඩ වෙන්න එපා. සතියකට සැරයක් අනිවාර්යයෙන්ම අලුත් ස්පොන්ජ් එකක් පාවිච්චි කරන්න.

 ගඳ එනවා නම් විසි කරන්න: අමුතු පිළුණු ගඳක් එනවා කියන්නේ ඒක ඇතුලේ විෂබීජ පිරී ඉතිරී ගිහින් කියන එකයි.

 වියළිව තබන්න: පාවිච්චි කරලා ඉවර වුණාම වතුර මිරිකලා හුළං වදින තැනක තියන්න. සබන් වතුරේ පෙඟෙන්න තියන්න එපා.

අදම ඔබේ කුස්සියට ගිහින් බලන්න. ඔබේ ස්පොන්ජ් එකේ තත්ත්වය මොකක්ද? 

උපුටා ගැනීම : aperata.net