Mic
බකමූණෙක් පියඹාගෙන ඇවිත් ගොදුරක් අල්ලගන්නකම්ම කිසිම සද්දයක් ඇහෙන්නේ නැත්තේ ඇයි කියලා ඔබ කවදා හරි හිතලා තියෙනවාද? ගොඩක් කුරුල්ලෝ පියාඹනකොට පියාපත් ගසන “සසල” සද්දය ඇහුණත්, බකමූණා කියන්නේ නිහඬතාවයේ රජෙක්.
මේක නිකම්ම සිද්ධ වෙන දෙයක් නෙවෙයි, බකමූණාගේ පියාපත් පිහිටලා තියෙන්නේ පුදුම විදිහකට. ඔවුන්ගේ පියාපත්වල කෙළවර පනාවක දත් වගේ ඉතා සියුම්ව පිහිටලා තියෙනවා. ඒ නිසා පියාඹනකොට ඇතිවන හුළං පාරවල් කුඩා කොටස්වලට කැඩිලා ගිහින් සද්දය මතු වෙන්නේ නැහැ. ඒ වගේම ඔවුන්ගේ මුළු ඇඟම වැහිලා තියෙන මෘදු පිහාටු, ඉතිරි වෙන පුංචිම සද්දය පවා උරා ගන්නවා.
හිතන්න, කුඩා මීයෙකුට පවා බකමූණෙක් තමන් ගාවට එනකම්ම දැනෙන්නේ නැහැ. මේකෙන් අපිට දෙන ලොකුම පණිවිඩය තමයි, ජීවිතේ දිනන්න නම් හැමතිස්සෙම ලොකුවට ශබ්ද කරනවාට වඩා නිහඬව තමන්ගේ ඉලක්කය කරා යන එක කොයිතරම් බලවත්ද කියන එක. ඝෝෂාකාරී ලෝකයක නිහඬතාවය කියන්නේ ලොකුම ශක්තියක්! 
උපුටා ගැනීම- මුහුණු පොත
