Mic
මේ දේවල් දැනගෙන හිටියද? 
අප කුඩා කල සිටම දන්නේ ඔටුවා පිටේ තියෙන “කුදය” ඇතුළේ වතුර තියෙනවා කියලයි. හැබැයි අද මේ කියන්න යන කරුණු ඇහුවොත් ඔබ සැබවින්ම පුදුම වේවි. ස්වභාවධර්මය විසින් මවන ලද මේ “සුපිරි සත්වයාගේ” කිසිවෙකු නොදන්නා සැඟවුණු රහස් 6ක් මෙන්න! 
කුදය ඇතුළේ වතුර නෙවෙයි තියෙන්නේ! 
ඔබ දන්නවාද? ඔටුවාගේ කුදය (Hump) ඇතුළේ ඇත්තටම තියෙන්නේ “තෙල්” (Fat).
කාන්තාරයේ දින ගණනක් ආහාර නැතිව යන විට, ඔටුවා කරන්නේ මේ කුදයේ ඇති තෙල් දිය කරමින් තම ශරීරයට අවශ්ය ශක්තිය ලබා ගැනීමයි. ආහාර නැතිව දින ගණනක් ගිය විට මේ කුදය ක්රමයෙන් හැකිලී පැත්තකට ඇලවෙනවා. නැවත කෑම ලැබුණු පසු එය නැවතත් ප්රමාණයෙන් විශාල වෙනවා.
“සුපිරි මිනිත්තුව”: විනාඩි 10න් ලීටර් 130ක්! 
ඔටුවාට වතුර නැතිව සති ගණනක් ඉන්න පුළුවන් බව සත්යයකි. නමුත් වතුර ලැබුණු සැනින් ඔවුන් කරන දේ අදහන්නත් බැහැ. ඔටුවෙකුට විනාඩි 13ක් වැනි කෙටි කාලයකදී වතුර ලීටර් 113-130ක් (බෝතල් 130ක් පමණ!) එක හුස්මට බීලා ඉවර කරන්න පුළුවන්. ඔවුන්ගේ රුධිර සෛලවලට පුළුවන් මේ විශාල ජල ප්රමාණය උරාගෙන සාමාන්ය ප්රමාණය මෙන් 240%ක් පමණ ඉදිමෙන්න. වෙනත් සතෙක් මෙහෙම වතුර බිව්වොත් ඒ සතාගේ ලේ සෛල පුපුරා යනවා!
“යකඩ වැනි හකු”: අඟල් 4ක කටු හපන හැටි 
කාන්තාරයේ තියෙන, ඇඟේ ඇනුණොත් මැරෙන්න තරම් රිදෙන පතොක් (Cactus) කටු ඔටුවා කන්නේ හරියට අපි චොකලට් කනවා වගේ. ඔටුවාගේ කට ඇතුළේ තියෙන්නේ ඉතාමත් ඝනකම් හමක්. ඔවුන්ගේ කටේ තියෙන විශේෂිත “Papillae” කියන ගැටිති නිසා ඒ තියුණු කටු ඇතුළට ඇනෙන්නේ නැහැ. ඔටුවාගේ කට ඇත්තටම “නොබිඳිය හැකි පද්ධතියක්” වගෙයි!
ස්වයංක්රීයව වැහෙන “නාස් පුඩු” සහ “තුන්වෙනි ඇසිපිය” 
වැලි කුණාටුවක් ආවොත් අපි හැමෝම අසරණ වෙනවා. හැබැයි ඔටුවාට පුළුවන් තමන්ගේ නාස් පුඩු කැමැත්තෙන්ම සම්පූර්ණයෙන්ම වසා ගන්න. ඒ වගේම ඔවුන්ට ඇස්වල ඇසිපිය ස්ථර 3ක් තියෙනවා. ඉන් එකක් විනිවිද පෙනෙන (Transparent) එකක්. ඒ නිසා ඇස් වහගෙන වුණත්, වැලි කුණාටුව මැදින් පාර බලාගෙන යන්න ඔටුවාට පුළුවන්!
දාඩිය දමන්නේ නැති අරුමය! 
සාමාන්ය සතුන්ගේ ශරීර රත් වෙද්දී ජලය පිට කරලා (දාඩිය දාලා) ඇඟ නිසි උෂ්ණත්වයේ තියා ගන්නවා. හැබැයි ඔටුවාට වතුර ඉතුරු කරගන්න ඕනේ නිසා, සෙල්සියස් අංශක 41ක් වෙනකල් දාඩිය දමන්නේ නැතිව ඉන්න පුළුවන්. ඒ කියන්නේ පරිසරයේ රස්නයට අනුව තමන්ගේ ඇඟේ රස්නයත් වෙනස් කරගන්න ඔවුන්ට පුළුවන්!
“ජීවමාන ශීතකරණයක්” බඳු නාසය 
ඔටුවා හුස්ම පිට කරන විට, පිටවන වාතයේ තියෙන තෙතමනය නැවත උරාගෙන තම ශරීරයටම එකතු කරගන්න පුළුවන් විශේෂිත පටකයක් ඔවුන්ගේ නාසයේ තියෙනවා. ඒ කියන්නේ ඔවුන් හුස්මෙන් පිටවෙන වතුර ටික පවා අපතේ යවන්නේ නැහැ!
මිනිසෙකුට විනාඩි 15ක්වත් නිරාවරණය වී ඉන්න බැරි දරුණු කාන්තාර මැද, කිසිදු ආහාරයක් හෝ ජලයක් නැතිව සති ගණනක් ජීවත් වන මේ සත්වයා සොබාදහමේ සැබෑ හාස්කමක් නොවේද?
උපුටා ගැනීම: මුහුණු පොත
