අලුත් ගෙදරක් තෝරන්න මී මැස්සන් පවත්වන “ඡන්ද නැටුම”

අපි හිතන්නේ මී මැසි ජනපදයක් පාලනය කරන්නේ රැජින කියලා වුණත්, ඇත්තම කතාව ඊට වඩා ගොඩක් වෙනස්. මී මැස්සන් තමන්ගේ අලුත් නිවස තෝරාගන්නේ අපි හිතනවාටත් වඩා පුදුමාකාර ප්‍රජාතන්ත්‍රවාදී ක්‍රමයකටයි.

මුලින්ම “ස්කවුට්” (Scout) මැස්සන් පිරිසක් අලුත් නිවසක් සොයාගෙන යනවා. හොඳ තැනක් හමු වුණාම ඔවුන් ආපසු ඇවිත් අනෙක් අයට ඒ ගැන කියන්නේ නැටුමකින්. විද්‍යාඥයන් මෙයට කියන්නේ “වගල් ඩාන්ස්” (Waggle Dance) කියලයි.

මේ නැටුම නිකම්ම විනෝදයට කරන එකක් නෙවෙයි. මැස්සා නටන කෝණයෙන් හිරුට සාපේක්ෂව දිශාවත්, නටන වේලාවෙන් දුර ප්‍රමාණයත් අනෙක් අයට කියලා දෙනවා. හරියටම අපේ ෆෝන් එකේ තියෙන GPS එකක් වගේ!

මෙහි ඇති ලස්සනම දේ තමයි, තමන් සොයාගත් තැන කොතරම් හොඳද කියලා ඒ මැස්සා නැටුමේ වේගයෙන් පෙන්වන එක. තැන ගොඩක් හොඳ නම් මැස්සා හරිම උනන්දුවෙන් සහ වේගයෙන් නටනවා. එය දකින අනෙක් මැස්සන් ඒ තැනට ගිහින් බලලා, ඔවුන්ටත් ඒ තැන හිතට ඇල්ලුවොත් ඔවුන් ආපසු ඇවිත් අර නැටුමටම එකතු වෙනවා.

මෙහෙම “ඡන්දය පාවිච්චි කරලා” හැමෝම එකම තීරණයකට ආවාට පස්සේ තමයි මුළු රංචුවම අලුත් ගෙදරට පියාඹන්නේ. කිසිම බලකිරීමක් නැහැ, තියෙන්නේ සාමූහික එකඟතාවය විතරයි.

උපුටා ගැනීමකි