අතේ ඇඟිලි නවනකොට ලොක් වෙනවාද ?

ඔය තත්වයට සාමාන්‍යය වහරේ කියන්නේ trigger finger කියල. නිවැරැදි වයිද්‍යවිද්‍යාත්මක හැඳින්වීම තමා Flexor tenosynovitis.

 අපිට අතේ ඇඟිලි හොඳට නවන්න කරන්න පුලුවන් වෙන්න ඇඟිලි වලට එන tendon (ඛන්ඩරා) ඒව වට කරගෙන ඉන්න පුලි හරහා නිදහසේ ගමන් කරන්න පුලුවන් හින්දා

 Trigger finger තත්වයේදී වෙන්නෙ ඔය පුලි හරහා tendon එකට නිදහසේ ගමන් කරන්න බැරි වීම

 මේක වෙන්නේ ඇඟිල්ලේ MCP ලෙස හැඳින්වෙන හන්ඳිය උඩින් tendon එක යන තැනදි.

 ලෙඩේ මුල අවස්ථාවේදි එන්නෙ එම ස්ථානයේ සුලු කැක්කුමක් හෝ ඉඳහිට කැක්කුම් රහිත ලොක් වීමක් විතරයි.

 පසු කාලීනව කැක්කුම ක්‍රම ක්‍රමයෙන් වැඩි වෙලා දරාගන්න බැරි තරමට කැක්කුම එනවා

 ඊට අමතරව ලොක් වෙච්ච ඇඟිල්ල කෙලින් කරද්දි දැඩි වේදනාවක් එනවා.

 මෙම රෝගය දියවැඩියා රෝගීන් අතර ඉතාම බහුලයි. ඒ වගේම වෙනත් ආතරයිටිස් රෝග තියන රෝගීන් අතරත් බහුලයි.

 සමහර අවස්ථාවල එක විට ඇඟිලි කිහිපයකම මේ තත්වය එන්න පුලුවන්.

 සමහර වෙලාවට tendon එකේ පොඩි ගැටිත්තක් පවා එන්නට පුලුවන්.

 ඔය වගේම තව තත්වයක් තිබෙනවා duputren’s contracture කියල. ඒකත් එක වර ඇඟිලි කිහිපයක එන්න පුලුවන්

 එම තත්වයේ වෙනස තමා කැක්කුම නැති හෝ ඉතාම අඩුවීම සහ අත්ලේ සිට ඇඟිලි දක්වා දිවෙන ඝනවූ පටක අතර අහුවෙන ගානට තිබීම.

 තවත් හන්ඳි රෝග තිබෙනවා ඔය වගේම රෝග ලක්ශණ තියන.

 මේකට ප්‍රතිකාර කරන එක හරි ලෙහෙසියි.

 අනිත් ආතරයිටිස් රෝග වගේම පාවිච්චි කරන්න පුලුවන් බෙහෙත් තියනවා. බෙහෙත් දෙන ගමන් සමහර රෝගීන් physiotherapy වලට යොමු කරනවා.

 බොන බෙහෙත් වලට හරියන්නෙ නැති නම් මුල් කාලයේදීම steroid injection එකක් දෙන එක ඉතා වැදගත්.

 බහුතරයක් රෝගීන්ට එක ඉන්ජෙක්ශන් එකෙන් ලෙඩේ හොඳවෙනවා.

 අවශ්‍යය වුනොත් injection තුනක් දක්වා දෙන්න පුලුවන්. ඉන්ජෙක්ශන් දෙකක් අතර අවම කාල පරාසය සති හයක් වත් තියෙන්න ඕනේ.

 ඉන්ජෙක්ශන් එකට අඩු නොවෙන්න ප්‍රධානම හේතුව තමා වැඩි අත්දැකීමක් නැති කෙනෙක් වැරදි තැනට ඉන්ජෙක්ශන් එක දීම සහ දෙන ඉන්ජෙක්ශන් එකේ ගුණාත්මක බව අඩු වීම (low quality)

 අනෙක් හේතුව තමා දියවැඩියාව රෝගීන්ගේ සීනි වැඩි අගයක තිබීම

 ඉන්ජෙක්ශන් එක දුන්නහම සරල exercise කිරීමෙන් ඉක්මනට අඩු වෙනවා.

 ලේසියෙන් හොඳ කරගන්න පුලුවන් trigger finger එකට සැත්කමක් අවශ්‍ය වෙනකම් දික්ගස්ස ගන්න පුලුවන් නිසි ප්‍රතිකාර නොගෙන හිටියොත්

 විවිධ ආලේපන වලට ඕක අඩුවෙන්නෙ නෑ.

 දියවැඩියා ලෙඩ්ඩු බයයි ඉන්ජෙක්ශන් එක ගැහුවහම සීනී වැඩි වෙනවා කියලාම. ඇත්තටම එහෙම සීනී තාවකාලිකව වුනත් සුලු ප්‍රමාණයක් වැඩි වෙන්නෙ ලෙඩ්ඩු සුලුතරයක.

 සීනි 100% නෝමල් වෙන්න ඕනෙ නෑ ඉන්ජෙක්ශන් ගන්න.

 නිතර නිතර විවිධ ඇඟිලි වල මෙම රෝගය මතු වෙනවනම් බොහෝ විට inflammatory arthritis කුලකයේ ලෙඩක කොටසක් හැටියට එනවා වෙන්න පුලුවන්.

 එතකොට physiotherapy විතරක් කර කර ඉඳල හරියන්නෙ නෑ, අදාලා ලෙඩේට බෙහෙතක් බොන්න වෙනවා.

 එතකොට ලොකු ආතරයිටිස් රෝග වලට ප්‍රතිකාර කරන විදිහට තමයි ප්‍රතිකාර කරන්නේ

 මේක නිට්ටාවටම සැලකියයුතු දෙනෙකුට සුව වෙනවා. නැවත මතුවුනත් සාර්ථක ප්‍රතිකාර කරන්න පුලුවන්. නිසි ප්‍රතිකාර වලට යොමුවෙන්න

Dr අරුණ කල්දේරා