සර්ප ලෝකයේ අද්භූත “දෂ්ට කරන්නා”!

Mole Viper ගැන ඔබ දන්නවාද?

අපි දන්න ගොඩක් සර්පයෝ දෂ්ට කරන්නේ (bite) කට ඇරලා දත් ඉස්සරහට දාලනේ. ඒත් අද අපි කතා කරන මේ “Mole Viper” (මවුල පොළඟා) ට තියෙන්නේ සර්ප ලෝකයේ දකින්න ලැබෙන අමුතුම සහ භයානකම තාක්ෂණයක්!

කවුද මේ Mole Viper?

මෙයා අයත් වෙන්නේ Atractaspididae කියන සර්ප කුලයට. මුන්ව සාමාන්‍යයෙන් හඳුන්වන්නේ “Mole Vipers” හෝ “Stiletto Snakes” කියලා.

• ප්‍රමාණය: මුන් ගොඩක් ලොකු සර්පයෝ නෙවෙයි, සාමාන්‍යයෙන් අඟල් 12 සිට 24 දක්වා (සෙන්ටිමීටර් 30-60) විතර තමයි දිග වෙන්නේ.

• පිහිටීම: මූලිකවම අප්‍රිකානු මහද්වීපයේ සහ මැදපෙරදිග සමහර ප්‍රදේශවල තමයි මුන් ජීවත් වෙන්නේ.

1. කට වහගෙන “පැත්තෙන්” දෂ්ට කරන අමුතු දත්!

මේ සර්පයාගේ තියෙන විශේෂම සහ භයානකම දේ තමයි මුගේ දත් පිහිටලා තියෙන විදිහ. මුට පුළුවන් කට වහගෙන ඉද්දි වුණත් තමන්ගේ දිගු විෂ දත් කටේ පැත්තකින් එළියට දාලා හතුරට දෂ්ට කරන්න. ඒ නිසා මුන්ව අල්ලන්න යන එක හිතාගන්න බැරි තරම් අනතුරුදායකයි!

2. පොළොව යට රජා

මුගේ නමේ හැටියටම (Mole කියන්නේ පොළොව යට හාරන සතෙක්) මු ජීවත් වෙන්නේ පොළොව යට හාරපු ගුල් අස්සේ. මුගේ හිස කුඩා සහ මොට හැඩයක් ගන්නා නිසා පොළොව හෑරීමට ඉතා පහසුයි. මුගේ ඇස් හරිම කුඩායි, ඒත් ඉව සහ සංවේදනය පට්ටම තියුණුයි.

3. බෙල්ලෙන් ඇල්ලුවොත් ඉවරයි!

සාමාන්‍යයෙන් ඕනෑම සර්පයෙක්ව බෙල්ලෙන් (හිස පිටුපසින්) ඇල්ලපුවම ඌට දෂ්ට කරන්න බැහැනේ? ඒත් Mole Viper ට ඒක අදාළ නැහැ. මූට පුළුවන් තමන්ගේ හිස දෙපැත්තට වනලා, කට වහගෙනම තමන්ගේ දත පැත්තට ඇදලා ඔයාගේ ඇඟිල්ලට විෂ විදින්න! ඒ නිසා කිසිම සර්ප විශේෂඥයෙක් මුන්ව අතින් අල්ලන්න යන්නේ නැහැ.

4. විෂ සහ මාරාන්තික බව

Mole Viper ගේ විෂ (Venom) හදවතට සහ සෛල වලට හානි කරන විෂක්. මු දෂ්ට කළොත් ඒ ස්ථානයේ සෛල ඉතා ඉක්මනින් විනාශ වෙලා (Necrosis) කළු වෙන්න ගන්නවා. ගොඩක් වෙලාවට දෂ්ට කළ ඇඟිල්ල කපා ඉවත් කරන්න පවා සිද්ධ වෙනවා. තවත් භයානක දේ තමයි, මේ සර්පයාගේ විෂ වලට තවමත් හරියටම ගැලපෙන “Antivenom” එකක් ලෝකයේ නැති වීමයි!

මේ සර්පයා දකින්න ලැබෙන්නේ අප්‍රිකාවේ වුණත්, ලෝකය පුරා සත්ව ලෝලීන් අතර මූ ප්‍රසිද්ධයි මුගේ මේ අමුතු දෂ්ට කිරීමේ ක්‍රමය නිසා. පෙනුමෙන් අහිංසක පණුවෙක් වගේ පෙනුණාට, මූ සැබෑ මර උගුලක්!

ඔයාලත් මේ වගේ අමුතු සත්තු ගැන දැනගන්න ආසයිද? එහෙනම් Comment එකක් දාගෙන යන්න!

උපුටා ගැනීම : Unknown Diary