මිනිස්සු 2700ක් හුස්ම හිරවෙලා මැරුණ ලෝකෙ දරුණුම රිය අනතුර!

Salang Tunnel disaster

ඔයා දන්නවද ලෝක ඉතිහාසයේ සිද්ධ වුණ මාරාන්තිකම රිය අනතුරෙන් කී දෙනෙක් මැරුණද කියලා? 100ක්? 200ක්? නෑ… එකම එක අනතුරෙන් මිනිස්සු 2,700කට වඩා ජීවිතක්ෂයට පත් වුණා! හැබැයි හැමෝම දන්න ටයිටැනික් අනතුර වගේ මේක ලෝකෙට ලොකුවට ප්‍රසිද්ධ වුණේ නෑ. මොකද ඒ කාලේ සෝවියට් දේශය මේ මහා විනාශය ලෝකෙන් හැංගුවා.

මේක සිද්ධ වෙන්නේ 1982 නොවැම්බර් 3 වෙනිදා, ඇෆ්ගනිස්ථානයේ මුහුදු මට්ටමේ ඉඳන් අඩි 11,000ක් උඩින් තියෙන, හැතැම්ම එකහමාරක් දිග “සලන්ග් උමං මාර්ගය” (Salang Tunnel) ඇතුළේ.

සිද්ධ වුණේ මොකක්ද?

ඒ වෙනකොට ඇෆ්ගනිස්ථානය අල්ලගෙන හිටපු සෝවියට් මිලිටරි රථ පෙළක් මේ කලුවර උමඟ ඇතුළෙන් ගමන් කරමින් තිබුණා. එකපාරටම එක ඉන්ධන ටැංකි රථයක් (Fuel Tanker) තවත් මිලිටරි වාහනයක හැප්පිලා දැවැන්ත පිපිරීමක් සිද්ධ වෙනවා!

තත්පර ගාණක් ඇතුළත මුළු උමඟම මහා ගින්නකින් වැහිලා ගියා. පිපිරීම ලැව්ගින්නක් වගේ වාහනයෙන් වාහනයට පැතිරුණා.

ගින්නට වඩා දරුණු වුණ “නිශ්ශබ්ද මාරයා”

හැබැයි මේ අනතුරේ බය හිතෙනම හරිය ඒක නෙවෙයි. මේ අනතුරෙන් මැරුණ බහුතරයක් දෙනා මැරුණේ ගින්නට පිච්චිලා නෙවෙයි!

පිපිරීමත් එක්කම උමඟ ඇතුළේ තිබුණ වාතාශ්‍රය පාලනය කරන සිස්ටම් එක (Ventilation system) සම්පූර්ණයෙන්ම ක්‍රියාවිරහිත වුණා. වාහන සිය ගණනකින් පිටවුණ ඝන කළු දුම සහ මාරාන්තික කාබන් මොනොක්සයිඩ් (Carbon Monoxide) වායුව උමඟ ඇතුළේ හිරවුණා.

මිනිස්සුන්ට මොකද වෙන්නේ කියලා හිතාගන්නවත් වෙලාවක් තිබුණේ නෑ. කාර්, බස් සහ මිලිටරි ටැංකි ඇතුළේ හිටපු සොල්දාදුවෝ වගේම සාමාන්‍ය මිනිස්සුත් වාහන ඇතුළෙම හුස්ම හිරවෙලා, සිහිය නැතිවෙලා එක පෙළට මැරිලා වැටුණා.

ලෝකෙන් හැංගූ මිනී කන්දරාව

අනතුර සිද්ධ වුණ ගමන් උමඟ දෙපැත්තෙන් මුර කරපු සෝවියට් සෙබළු හිතුවේ මේක සතුරන්ගේ (Mujahedeen) ප්‍රහාරයක් කියලා. බයටම ඔවුන් උමඟ ඇතුළෙන් එළියට එන්න හදපු වාහනවලටත් ඉස්සරහින් බැරියර් දාලා උමඟ වහලා දැම්මා! ඒකෙන් ඇතුළේ හිරවුණ මිනිස්සුන්ට එළියට එන්න තිබුණ අන්තිම අවස්ථාවත් නැති වුණා.

සෝවියට් දේශය ඒ දවස්වල තමන්ගේ මිලිටරි ප්‍රතිරූපය බේරගන්න මේ මහා විනාශයේ ඇත්තම තොරතුරු ලෝකයට දුන්නේ නෑ. ඔවුන් කිව්වේ 170ක් වගේ සුළු පිරිසක් මැරුණා කියලා විතරයි. හැබැයි පස්සේ හෙළි වුණ ඇත්තම වාර්තා අනුව මේ මාරක උමඟ ඇතුළේ මිනිස්සු 1,000ත් 2,700ත් අතර ප්‍රමාණයක් අවසන් හුස්ම හෙළලා තිබුණා!

ඉතිහාසයේ කළු පැල්ලමක් වුණ මේ “සලන්ග් උමං ඛේදවාචකය” තමයි අදටත් මිනිස් ඉතිහාසයේ ලෝකෙ සිද්ධ වුණ බිහිසුණුම සහ දරුණුම රිය අනතුර විදියට සැලකෙන්නේ.

ලෝකයේ මෙන්න මේ වගේ ඔයා නොදන්න අද්භූත, බය හිතෙන සහ රසවත් තොරතුරු හැමදාම දැනගන්න අදම අපේ Unknown Diary පිටුව Follow කරලා තියාගන්න!

උපුටා ගැනීම : Unknown Diary