ලෝකෙ ඉන්න කම්මැලිම, ඒත් හුරතල්ම සත්වයා !

අපි කවුරුත් පාන්ඩාලට ආදරෙයි නේද? එයාලගේ අමුතු, හුරතල් වැඩ නිසා දකින ඕනෑම කෙනෙක්ගෙ අවධානය දිනා ගන්නවා. ඔයා දන්නවද, මේ පෙනුමට පිටිපස්සේ එයාලගේ සිරුරේ වෙන අමුතුම විද්‍යාත්මක සිදුවීම් ටිකක් තියෙනවා කියලා?

ජීව විද්‍යාත්මක තොරතුරු

විද්‍යාත්මක නාමය (Scientific Name): Ailuropoda melanoleuca

කුලය (Family): Ursidae (වලස් කුලය)

වාසස්ථාන (Habitat): මධ්‍යම චීනයේ නිරිතදිග කඳුකර ප්‍රදේශවල පිහිටි උණ බම්බු වනාන්තර (Bamboo Forests)

ප්‍රමාණය සහ බර (Size & Weight):

උස/දිග: මීටර් 1.2 සිට 1.9 දක්වා (අඩි 4 – 6 අතර)

බර: වැඩුණු පිරිමි සතෙකු කිලෝග්‍රෑම් 100 – 115 අතර ද, ගැහැණු සතෙකු කිලෝග්‍රෑම් 70 – 100 අතර ද බරින් යුක්ත වේ.

1. දවසට පැය 12ක් කන්නේ බට විතරයි!

පාන්ඩාලගේ ආහාරයෙන් 99%ක්ම තියෙන්නේ බට ගස් (Bamboo) විතරයි. හැබැයි ඇත්තටම එයාලගේ බඩ හැදිලා තියෙන්නේ මාංශ භක්ෂක (Meat Eater) සතෙක්ගේ වගේ! බටවල පෝෂණය අඩු නිසා තමයි එයාලට දවසට කිලෝ 12-38ත් අතර බට ප්‍රමාණයක් කන්න වෙලා තියෙන්නේ.

2. කනවා, නිදාගන්නවා, ආයේ කනවා!

පාන්ඩාලට අමුතු ශක්තියක් නෑ. එයාලගේ කැලරි ප්‍රමාණය ගොඩක් අඩු නිසා, දවසෙන් පැය 12ක් විතර කෑම කන්නත්, ඉතිරි පැය 10-12 නිදාගන්නත් තමයි ගත කරන්නේ! එයාලගේ ජීවිතේම “Eat – Sleep – Repeat”!

3. එයාලට ඇඟිලි 6ක් තියෙනවා!

පාන්ඩාගේ ඉදිරිපස පයේ අමුතුම අස්ථියක් තියෙනවා. ඒක නිකන් “ව්‍යාජ මහපට ඇඟිල්ලක්” (Pseudo-thumb) වගේ වැඩ කරන්නේ. මේ ඇඟිල්ල නිසා තමයි එයාලට බට ගස් තදින් අල්ලගෙන කන්න පුළුවන් වෙලා තියෙන්නේ.

4. උපදිනකොට පෙනුම බටර් කැබැල්ලක් වගේ!

ලෝකෙ ඉන්න ලොකුම සතෙක්ගේ පැටියා උපදිනකොට අතිශයින්ම කුඩයි. පාන්ඩා පැටියෙක් උපදිනකොට බර ග්‍රෑම් 100ක් විතරයි! නිකන් බටර් කැටයක් වගේ. අම්මාට වඩා ප්‍රමාණයෙන් 900ක විතර කුඩාවට තමයි පැටියා උපදින්නේ.

5. කළු සහ සුදු වෙලා තියෙන්නේ ඇයි?

මේක විද්‍යාඥයන්ටත් ලොකු ප්‍රහේලිකාවක් වෙලා තිබ්බ එකක්. හැබැයි අලුත්ම පරීක්ෂණවලට අනුව:

මූණ සහ බඩ සුදු පාට: හිම තියෙන පරිසරයන්හි හැංගෙන්න (Camouflage).

කන් සහ පස්ස කළු පාට: ශීත ඍතුවේදී රශ්මිය තියාගන්න සහ අනිත් සතුන්ට බියක් ඇති කරන්න.

ඇස් වටේ කළු කැලැල්: එකිනෙකා අඳුරගන්න සහ එකිනෙකාට තර්ජනයක් පෙන්වන්න.

6. අමුතුම බුද්ධියක්!

පාන්ඩාලා එක තැනක රෝල් වෙනවා, ගස්වලින් වැටෙනවා, අමුතු විදියට නටනවා ඔයාලා දැකලා ඇති. එයාලට අනිත් වලසුන්ට වගේ වේගයෙන් දුවන්න බෑ. ඒ නිසා තර්ජනයක් ආවොත් එයාලා කරන්නේ කන්දක් දිගේ පහළට රෝල් වෙලා බේරෙන එක!

අන්තිම වශයෙන්…

පාන්ඩාලා කියන්නේ ස්වභාවධර්මයේ තියෙන අතිශය දුර්ලභ, ඒ වගේම අපූරු නිර්මාණයක්. චීනයේ විතරක් ස්වාභාවිකව ජීවත් වෙන මේ සුපිරි හුරතලුන්ව රැකගන්න එක මුළු ලෝකෙම වගකීමක්!

උපුටා ගැනීම: Unknown Diary