FBI එක පවා බිය වූ ලෝකයේ භයානකම ගණිතඥයා

“Brainy Don” Semion Mogilevich

ලෝකයේ දරුණුම පාතාල නායකයා කිව්වම ඕනෑම කෙනෙකුගේ හිතට එන්නේ තුවක්කු අතින් ගත්තු, පාරවල් පුරා ලේ හලන මැරයෙක්ව. හැබැයි Semion Mogilevich කියන්නේ ඒ වගේ කෙනෙක් නෙවෙයි. එයා ලෝකය පාලනය කළේ පිස්තෝලයෙන් නෙවෙයි… ආර්ථික විද්‍යා උපාධියකින් සහ ලැප්ටොප් එකකින්!

FBI එක මගින් “ලෝකයේ ජීවත්ව සිටින භයානකම මාෆියා නායකයා” විදිහට හඳුන්වපු මොහු, සංවිධානාත්මක අපරාධ ලෝකයේ “Brainy Don” (බුද්ධිමත් නායකයා) ලෙසයි ප්‍රසිද්ධ.

උපාධිධාරියෙක් මාෆියා නායකයෙක් වුණේ කොහොමද?

1946 දී යුක්‍රේනයේ උපත ලැබූ මොගිලෙවිච්, එල්වීව් විශ්වවිද්‍යාලයෙන් (Lviv University) ආර්ථික විද්‍යාව පිළිබඳ උපාධියක් ලබාගත් අයෙක්.

බොහෝ පාතාල නායකයන් තුවක්කු බලයෙන් මුදල් හම්බකරද්දී, මොගිලෙවිච් කළේ ලෝකයේ තියෙන නීතිමය හිඩැස් (Legal Loopholes), බැංකු පද්ධතිවල දුර්වලතා සහ ජාත්‍යන්තර කොටස් වෙළඳපොළවල් අධ්‍යයනය කිරීමයි.

“මම මිනිසුන්ව මරන්නේ නැහැ, මම ඔවුන්ගේ සල්ලී වෙනස් ක්‍රමවලට මගේ පැත්තට ගන්නවා.” – Semion Mogilevich

මොගිලෙවිච්ගේ අදහාගත නොහැකි “සෙවනැලි රාජ්‍යය”

සෙමියොන් මොගිලෙවිච්ගේ අපරාධ ජාලය (Red Mafia) ලෝකය පුරා පැතිරී තිබුණේ මෙන්න මේ වගේ දැවැන්ත ක්ෂේත්‍ර හරහායි:

න්‍යෂ්ටික ද්‍රව්‍ය ජාවාරම : සෝවියට් සංගමය බිඳවැටීමෙන් පසු හමුදා කඳවුරුවලින් අතුරුදහන් වූ ආයුධ සහ න්‍යෂ්ටික ද්‍රව්‍ය ජාත්‍යන්තර කල්ලිවලට විකිණීම.

කොටස් වෙළඳපොළ වංචා : කැනඩාවේ සහ ඇමරිකාවේ YBM Magnex නමැති ව්‍යාජ සමාගමක් හරහා ඩොලර් මිලියන 150 කට අධික මුදලක් වංචා කිරීම (Wall Street එක පවා හොල්මන් වූ මොහොතක්!).

තෙල් සහ ගෑස් ජාවාරම : පූර්ව යුරෝපයේ බලශක්ති සැපයුම් ජාලයන්ට රහසිගතව ඇතුළු වී බිලියන ගණනින් මුදල් උපැයීම.

මුදල් විශුද්ධිකරණය (Money Laundering) : Bank of New York හරහා ඩොලර් බිලියන 7 කට අධික කළු සල්ලි සුදු කිරීම.

FBI එකටවත් අල්ලන්න බැරි වුණේ ඇයි?

2009 දී FBI සංවිධානය මොගිලෙවිච්ව ඔවුන්ගේ Top 10 Most Wanted (වඩාත්ම සෙවිය යුතු අපරාධකරුවන් 10 දෙනාගේ) ලැයිස්තුවට ඇතුළත් කළා. එයාගේ හිසට ඩොලර් මිලියන 5 ක තගයක් පවා නියම වුණා.

හැබැයි මොගිලෙවිච්ව අල්ලන එක ලේසි වුණේ නැහැ:

1. දේශපාලනික ආරක්ෂාව: ඔහු දැනට මොස්කව් නුවර නිදහසේ ජීවත් වන බව පැවසෙන අතර, රුසියාව සහ ඇමරිකාව අතර උදපණිති ගිවිසුම් (Extradition Treaties) නැති නිසා රුසියාව ඔහුව ඇමරිකාවට භාරදීම ප්‍රතික්ෂේප කරයි.

2. අනන්‍යතා 50+: මොහු සතුව විවිධ රටවල ගමන් බලපත්‍ර (Passports) දුසිම් ගණනක් සහ වෙනස් නම් 50 කට වඩා තිබෙනවා.

3. රූපය වෙනස් කිරීම: නිරන්තරයෙන් ප්ලාස්ටික් සැත්කම් සහ පෙනුම වෙනස් කරමින් අතුරුදහන් වීම.

පාතාලයේ “අයින්ස්ටයින්”

අදටත් 80 වෙනි වියේ පසුවන සෙමියොන් මොගිලෙවිච් කියන්නේ තුවක්කුවට වඩා බුද්ධිය බලවත් බව පෙන්වා දුන්, මුළු ලෝකයේම ආර්ථිකයට සෙවනැල්ලක් වී බලපෑම් කළ එකම මාෆියා නායකයායි.

උපුටා ගැනීම: Unknown diary