බ්‍රසීලය හොල්ලන ලේ පිපාසිත අධිරාජ්‍යය

Comando Vermelho (Red Command)!

ලෝකයේ ලස්සනම නගරයක් වුණු රියෝ ද ජැනයිරෝ වල මුහුදු වෙරළට එපිටින් තියෙන පටු වීදි ඇතුළේ ඇත්තටම රජ කරන්නේ ආණ්ඩුව නෙවෙයි. ඒ “රතු බලකාය” හෙවත් Comando Vermelho (CV).

මොකක්ද මේ සංවිධානය? ඇයි මුළු බ්‍රසීලයම මුන්ට බය?

ආරම්භය: හිරගෙදර ඇතුළේ උපන් සන්ධානය

මේක පටන් ගන්නේ 1970 ගණන්වල බ්‍රසීලයේ “Candido Mendes” කියන දැඩි ආරක්ෂිත බන්ධනාගාරය ඇතුළේ. එතැන හිටපු සාමාන්‍ය අපරාධකරුවන් සහ දේශපාලන සිරකරුවන් එකතු වෙලා තමයි මේක හැදුවේ. ඔවුන්ගේ සටන් පාඨය වුණේ “සාමය, යුක්තිය සහ නිදහස” (Paz, Justiça e Liberdade). හැබැයි අද වෙද්දී ඒක සම්පූර්ණයෙන්ම ලේ වැගිරෙන අපරාධ ජාලයක් වෙලා ඉවරයි.

ෆාවේලා වල “අධිපතිවාදය”

රියෝ වල තියෙන දුප්පත් මුඩුක්කු නිවාස (Favelas) සිය ගණනක් පාලනය කරන්නේ මුන්.

• නොපෙනෙන හමුදාව: මේ වීදි ඇතුළේ පොලිසියටවත් යන්න බැහැ. CV සාමාජිකයෝ නවීන පන්නයේ AR-15 සහ AK-47 රයිෆල් අරගෙන විවෘතවම මුර සංචාරය කරනවා.

• සමාන්තර ආණ්ඩුව: පුදුම වැඩේ කියන්නේ, මේ අපරාධ කල්ලිය ඒ ප්‍රදේශවල මිනිස්සුන්ට කෑම දෙනවා, ප්‍රශ්න විසඳනවා සහ ආරක්ෂාව දෙනවා. ඒ නිසාම සාමාන්‍ය මිනිස්සු පොලිසියට වඩා මුන්ට පක්ෂපාතීයි!

මාරාන්තික සටන් (The Gang Wars)

CV කියන්නේ තනිවම රජ කරන පිරිසක් නෙවෙයි. ඔවුන්ට එරෙහිව PCC (First Capital Command) වගේ තවත් දරුණු කල්ලි ඉන්නවා.

• මේ කල්ලි දෙක අතර ඇතිවෙන ගැටුම් නිසා බ්‍රසීලයේ වීදි යුද පිටි බවට පත් වෙනවා.

• හිරගෙවල් ඇතුළේ පවා මුන් කරන කැරලි කොච්චර දරුණුද කියනවා නම්, ප්‍රතිවිරුද්ධ කල්ලි සාමාජිකයන්ගේ හිස් ගසා දැමීම පවා ඔවුන් ප්‍රසිද්ධියේ කරනවා.

ලෝකයටම තර්ජනයක් වුණු මත්ද්‍රව්‍ය ජාලය

කොකේන් (Cocaine) ජාවාරම තමයි මුන්ගේ ප්‍රධාන ආදායම් මාර්ගය. දකුණු ඇමරිකාවෙන් යුරෝපයට යන මත්ද්‍රව්‍ය ජාලයේ ප්‍රධාන පුරුකක් වෙන්නේ මේ රතු බලකායයි.

සමහරු හිතනවා මේ වගේ කල්ලි බිහිවෙන්නේ දරිද්‍රතාවය නිසා කියලා. හැබැයි තර්කානුකූලව බැලුවොත්, ආණ්ඩුවකට පාලනය කරන්න බැරි තරම් ආයුධ බලයක් සහ මුදල් බලයක් තියෙන මේ වගේ සංවිධාන කියන්නේ රටක ජාතික ආරක්ෂාවට තියෙන ලොකුම පිළිලයයි.

ඔබ දන්නවාද? බ්‍රසීලයේ සමහර ප්‍රසිද්ධ පාපන්දු ක්‍රීඩකයෝ පවා මේ ෆාවේලා වල ඉපදිලා හැදුණු නිසා, තවමත් මේ කල්ලි සාමාජිකයන් එක්ක සමීප සම්බන්ධකම් තියෙනවා කියලා කතාවක් තියෙනවා!

උපුටා ගැනීම : Unknown Diary