Mic
2026 FIFA World Cup සමාරම්භක උත්සවයේ අතිවිශේෂම මොහොතක් බවට පත්වුණේ කොලොම්බියානු සුපිරි ගායිකා Shakiraගේ වේදිකා ප්රසංගයයි. මෙක්සිකෝ නගරයේ Estadio Azteca ක්රීඩාංගණය ආලෝක, ගිනිකෙළි සහ උද්වේගයෙන් පිරුණු මහා සැණකෙළියක් බවට පත් කළ ඇය, Burna Boy සමඟ තරගාවලියේ නිල ගීතය වූ Dai Dai ගායනා කරමින් රසික හදවත් කම්පා කළා. 48 කණ්ඩායම් එක්වන, රටවල් තුනක් එක්ව සංවිධානය කරන ඉතිහාසගත ලෝක කුසලානයේ මුල්ම මහා වේදිකාවම ඇයගේ නර්තන සහ කටහඬෙන් වර්ණවත් වුණා.
Shakira කියන්නේ නිකම්ම පොප් ගායිකාවක් විතරක් නෙවෙයි. ඇය ලෝක සංගීත ඉතිහාසයේ තමන්ටම වෙන්වුණු අනන්ය ලකුණක් තැබූ චරිතයක්. කොලොම්බියාවේ Barranquilla නගරයේ උපන් ඇයගේ සම්පූර්ණ නම Shakira Isabel Mebarak Ripoll. Shakira කියන නම අරාබි භාෂාවෙන් ස්තූතිවන්ත හෝ කෘතඥ යන අර්ථයන් දක්වන බවත් බොහෝ දෙනා ආශාවෙන් කියන රසවත් කරුණක්.
කුඩා කාලයේ සිටම ඇය සංගීතයට සහ කවියට අමුතු ආදරයක් දැක්වුවා. වයස අඩු කාලයේම ගීත රචනා කරන්න පටන් ගත් ශකීරා, වෙනස් කටහඬක්, අසාමාන්ය වේදිකා හැකියාවක්, සහ මැද පෙරදිග නර්තන ඉඟි එක්වූ තමන්ගේම performance style එකක් හදාගත්තා. ඒ නිසාම ඇය තවත් ගායිකාවක් නොව, stage එකට ආපු ගමන්ම පිරිස ඇදගන්න පුළුවන් ගෝලීය තරුවක් බවට පත්වුණා.
ලතින් ඇමරිකානු සංගීතයෙන් ලෝක වෙළෙඳපොළට පිවිසි Shakira, තමන්ගේ Spanish albums හරහා මුලින්ම විශාල ජනප්රියත්වයක් දිනාගත්තා. පසුව English ගීත සමඟ ඇය ගෝලීය pop superstar කෙනෙක් බවට පත්වුණා. Whenever, Wherever, Hips Don’t Lie, Waka Waka වගේ ගීත ඇයව ලෝකයේ සෑම කොනකටම ගෙනගියා කියලා කිව්වොත් ඒක අතිශයෝක්තියක් නෙවෙයි.
Shakira ගැන පුදුම හිතෙන දේවල් ගොඩක් තියෙනවා. ඇය ගායනයට විතරක් සීමා නොවී, ගීත රචකාවක්, නර්තන ශිල්පිනියක්, නිෂ්පාදකාවක්, සහ ලොව පුරා ළමුන් වෙනුවෙන් කටයුතු කරන සමාජ සේවා චරිතයක් විදිහටත් කැපී පෙනෙනවා. විශේෂයෙන්ම අධ්යාපනය සහ දුප්පත් පවුල්වල ළමුන් වෙනුවෙන් ඇය කළ සේවාව නිසා සංගීතයෙන් ඔබ්බටත් ගෞරවයට පත්වුණු කෙනෙක්.
පාපන්දුවත් Shakiraත් අතර තියෙන්නේ අමුතුම බැඳීමක්. 2010 FIFA World Cup සඳහා නිකුත් කළ Waka Waka ගීතය ඇයව පාපන්දු ලෝකයේ සදාකාලික මතකයක් බවට පත් කළා. එම 2010 තරගාවලියේදී opening සහ closing events දෙකම ඇය සම්බන්ධවූ බව වාර්තා වන අතර, 2026 දී නැවත World Cup වේදිකාවට පැමිණීම ඇයගේ FIFA ගමනේ තවත් ඉතිහාසගත පියවරක් වුණා. මේ නිසාම බොහෝ රසිකයන් ඇයව World Cup Queen කියලාම හඳුන්වනවා.
2026 සමාරම්භක උත්සවයේදී Shakira සමඟ Tyla, J Balvin, Alejandro Fernández, Belinda, Danny Ocean, Maná සහ Los Ángeles Azules වැනි ප්රසිද්ධ නාම රැසක්ද එක්ව සිටියා. නමුත් ආලෝකය, ශබ්දය, නර්තනය සහ crowd energy එක එක මොහොතකම එකතු කරලා වේදිකාවේ අයිතිය ගත්තේ Shakira බව ප්රේක්ෂකයන්ට හොඳින්ම දැනුණා.
ඇය ගැන තවත් විශ්මිතම කරුණක් තමයි, කාලය කොච්චර ගියත් ඇයගේ stage power එක අඩු නොවීම. වසර ගණනාවක් ගෝලීය සංගීත ක්ෂේත්රයේ ඉහළම තැනක සිටියත්, 2026 World Cup උත්සවයේදීත් මට තවමත් මේ ලෝකයේ ලොකුම වේදිකා ජයගන්න පුළුවන් කියන පණිවිඩය ඇය පැහැදිලිවම දුන්නා. එක නිසාම Shakira කියන්නේ නමක් විතරක් නෙවෙයි ඇය energy එකක්, legacy එකක්, සහ generation ගණනාවක් එකතු කරන icon එකක්.
ශකීරාගේ ජීවිත කතාව අපිට කියලා දෙන්නේ එක දෙයක්. දක්ෂතාව, අධිෂ්ඨානය, සහ වෙනස් වීමට බය නොවීම එකතු වුණාම, සාමාන්ය කෙනෙක්ට මුළු ලෝකයක්ම නටවන්න පුළුවන් කියන එක. 
2026 FIFA opening ceremony එකේ ඇයගේ පැමිණීම ඒක ආයෙත් එකපාරක් ලෝකයට මතක් කරලා දුන්නා.
උපුටා ගැනීම : Sandun Lakmal
