බෝර්නියෝ දූපත හොල්මන් කළ අඩි 19ක මිනීමරු යක්ෂයා

“Bujang Senang”!

මිනිසුන් 13 දෙනෙකුට වඩා අමු අමුවේ ගොදුරු කරගනිමින්, මුළු අග්නිදිග ආසියාවම බියෙන් සලිත කළ යෝධ මිනීමරු කිඹුලා ගැන ඔබ අසා තිබෙනවාද?

ඌ නමින් Bujang Senang (බුජැං සෙනං).

1980 සහ 90 දශකවල මැලේසියාව සහ ඉන්දුනීසියාව මායිම් වන බෝර්නියෝ දූපතේ (සරාප්‍රදේශයේ) “Batang Lupar” ගංගාව කියන්නේ සාමාන්‍ය මිනිහෙකුට ළංවෙන්නවත් බැරි මරණයේ නිම්නයක් වුණා. ඒ මේ යෝධ කිඹුලා නිසා!

යක්ෂයාගේ සලකුණ පිටකොන්දේ සුදු රේඛාව

උගේ දිග අඩි 19කටත් වඩා වැඩියි! සාමාන්‍ය කිඹුලෙකුට වඩා වෙනස්ම විදියේ පිටකොන්දේ සුදු පැහැති විශාල ලපයක් (White Strip) ඌට තිබුණා. ගඟ අයිනට එන ඕනෑම සතෙක්ව විතරක් නෙවෙයි, ධීවරයින්ව පවා ගොදුරු කරගන්න Bujang Senang දෙපාරක් හිතුවේ නෑ.

ජනප්‍රවාදය

මිනිසෙකුගෙන් පැමිණි ශාපයක්ද?

දේශීය ඉබාන් (Iban) ගෝත්‍රිකයන් අතර පවතින ජනප්‍රවාදයට අනුව Bujang Senang කියන්නේ සාමාන්‍ය කිඹුලෙක් නෙවෙයි. ඌ අතීතයේ සිටි “Simalungun” නම් බලවත් ගෝත්‍රික යෝධ සටන්කරුවෙකුගේ ආත්මය ලත් කිඹුලෙක්!

සතුරන් විසින් ඔහුගේ බිරිඳව ඝාතනය කිරීමෙන් පසු, ඔහු පලිගැනීම සඳහා යක්ෂ කිඹුලෙකු ලෙස නැවත ඉපදී Batang Lupar ගංගාවේ සැඟවී සිටි බවට ගෝත්‍රිකයන් විශ්වාස කළා.

පලිගැනීමේ අවසානය: 1992 මැයි 22

වසර ගණනාවක් තිස්සේ ලබාදුන් භීෂණය අවසන් වුණේ 1992දී. “Dayang Bayang” නම් 19 හැවිරිදි තරුණියක්ව මේ යක්ෂයා ගොදුරු කරගැනීමත් එක්ක ප්‍රදේශවාසීන්, පොලිස් වෙඩික්කරුවන් සහ ගෝත්‍රිකයන් එකතු වෙලා මෙහෙයුමක් දියත් කළා.

පැය 4ක දැවැන්ත සටනකින් පස්සේ, ඌව මෙල්ල කරන්න සාමාන්‍ය උණ්ඩ, ඊතල විතරක් නෙවෙයි, යකඩ ඇණ යොදා සකස් කළ විශේෂ උණ්ඩ 40කට වඩා තබන්න සිදු වුණා! විශේෂයෙන්ම උගේ හිසට සහ කට ඇතුළට එල්ල කළ මාරාන්තික වෙඩි පහරවල් හමුවේ මේ යෝධ කිඹුලා අවසන් හුස්ම හෙළුවා.

Bujang Senang ගැන සඳහන් වන පොත්පත් සහ ලිපි

මේ අද්භූත මිනීමරු කිඹුලා ගැන ලෝකය පුරාම ලේඛකයින් සහ පර්යේෂකයින් පොත්පත් සහ වාර්තා විශාල ප්‍රමාණයක් ලියා තිබෙනවා:

“Bujang Senang: Terror of Batang Lupar” – ජ්‍යෙෂ්ඨ පුවත්පත් කලාවේදී James Ritchie විසින් රචිත, මේ කිඹුලාගේ ප්‍රහාර සහ අල්ලා ගැනීමේ මෙහෙයුම ගැන ලියවුණු ඉතාම ප්‍රසිද්ධ පොතක්.

“Man-eating Crocodiles of Borneo” – බෝර්නියෝ දූපතේ මිනීමරු කිඹුලන් ගැන කෙරෙන ගැඹුරු අධ්‍යයනයක් සහිත තවත් පර්යේෂණාත්මක පොතක්.

Jong’s Crocodile Farm & Museum (Sarawak, Malaysia): Bujang Senangගේ සැබෑ හිස්කබල (Skull) සහ උගේ ඇටසැකිල්ල අදටත් මැලේසියාවේ සරවාක්හි පිහිටි මේ කෞතුකාගාරයේ මහජන ප්‍රදර්ශනය සඳහා තබා තිබෙනවා!

“Bujang Senang” කියන නමේ තේරුම “සතුටින් ඉන්න කුමාරයා” (The Happy Prince) යන්නයි!

මැලේසියාවේ සරවාක් පාපන්දු කණ්ඩායම (Sarawak FA) තමන්ගේ දරුණු ක්‍රීඩා විලාසය සංකේතවත් කරන්න යොදාගත්තෙත් “Bujang Senang” කියන නමයි!

මේ වගේ ලෝකය වටා සිදුවුණු විශ්මයජනක, අද්භූත සහ රහස් පිරිණු සැබෑ තොරතුරු දිනපතා දැනගන්න අපේ ENJOY LK පේජ් එක Follow කරලා එකතු වෙන්න!

Unknown Diary