කටින් දුර්ගන්ධයක් එන්නේ ඇයි?

කෙනෙකු සමඟ කතා කරන විට හෝ සමීපව සිටින විට කටින් දුර්ගන්ධයක් එන එක අපහසුතාවයක් වගේම, සමහර අවස්ථාවල මුඛ සෞඛ්‍ය ගැටලුවක සංඥාවක් වෙන්නත් පුළුවන්. මෙය වෛද්‍ය විද්‍යාවේ Halitosis ලෙස හඳුන්වනවා.

ප්‍රධාන හේතු කිහිපයක්

1. දිව මත බැක්ටීරියා එකතුවීම

දිවේ, විශේෂයෙන් පසුපස කොටසේ, බැක්ටීරියා හා ආහාර අපද්‍රව්‍ය එකතු වීමෙන් දුර්ගන්ධය ඇති විය හැක.

2. විදුරුමස් රෝග

විදුරුමස් ඉදිමීම, ලේ ගැලීම සහ Periodontitis වැනි තත්ත්ව දුර්ගන්ධයට හේතු විය හැක.

3. දත් නිසි ලෙස පිරිසිදු නොකිරීම

දත් අතර ආහාර කොටස් හා Plaque එකතු වීමෙන් බැක්ටීරියා වැඩිවිය හැක.

4. මුඛය වියළීම

කෙළ (Saliva) අඩුවීම නිසා මුඛයේ දුර්ගන්ධය ඇති කරන බැක්ටීරියා වැඩි විය හැක.

5. ඇතැම් ආහාර හා දුම්පානය

සුදුළූණු, ලූනු වැනි ආහාර සහ දුම්පානය දුර්ගන්ධය වැඩි කළ හැක.

6. දත් කුහර හා දත් ආසාදන

Cavities, ආසාදිත දත් හෝ නිසි ලෙස පිරිසිදු නොකරන Dentures ද හේතුවක් විය හැක.

7. නාසය හා උගුර ආශ්‍රිත ගැටලු

Sinus, tonsils හෝ උගුර ආශ්‍රිත ඇතැම් තත්ත්ව නිසාත් දුර්ගන්ධය ඇතිවිය හැක.

8. දිගටම පවතින දුර්ගන්ධය නොසලකා හරින්න එපා.

හොඳින් දත් හා දිව පිරිසිදු කළත් දුර්ගන්ධය දිගටම පවතිනවා නම් දන්ත වෛද්‍යවරයෙකුගෙන් පරීක්ෂා කරගැනීම වැදගත්.

දුර්ගන්ධය අඩු කරගන්න පුළුවන් ක්‍රම

දිනකට දෙවරක් දත් මදින්න

දත් අතර Floss / interdental cleaner භාවිත කරන්න

දිව පිරිසිදු කරන්න

ප්‍රමාණවත් ජලය පානය කරන්න

දුම්පානයෙන් වළකින්න

දත් හා විදුරුමස් නිරන්තරයෙන් පරීක්ෂා කරගන්න

ඔබේ සෞඛ්‍යය ගැන සරලව, නිවැරදිව දැනගන්න…

“දැනුම | Knowledge” Page එක Follow කරගෙන ඉන්න!

ඔබට වැදගත් වගේම ඔබේ පවුලේ අයටත් වැදගත් විය හැකි මේ දැනුම Share කරන්න.

සැලකිය: මෙම පෝස්ටුව අධ්‍යාපනික හා මහජන දැනුවත් කිරීමේ අරමුණින් පමණි. රෝග ලක්ෂණ දිගටම පවතින්නේ නම් සුදුසු සෞඛ්‍ය වෘත්තිකයෙකුගෙන් උපදෙස් ලබාගන්න.

Knowledge “දැනුම ”