අතීතයේ පස් යට හැංගිලා තිබ්බ වටිනා උරුමයක් එකපාරටම එකතැනකින් එළියට ආවොත් කොහොමද?

අපේ අනුරාධපුර ඓතිහාසික අභයගිරි විහාර පරිශ්‍රයෙන් එහෙම පිස්සු හැදෙන සුපිරිම සොයාගැනීමක් වෙලා තියෙනවා!

මධ්‍යම සංස්කෘතික අරමුදලේ අභයගිරි විහාර ව්‍යාපෘතියේ පුරාවිද්‍යා නිලධාරීන් කරපු කැණීමකදී ඉතාම දුර්ලභ, රන් ආලේපිත ලෝකඩ බුද්ධ ප්‍රතිමා වහන්සේලා 17 නමක් එකම තැනකින් හමු වෙලා තියෙනවා!

මේ බුද්ධ ප්‍රතිමා ටික හම්බවෙලා තියෙන්නේ අභයගිරි ආරාම සංකීර්ණයේ උතුරු ප්‍රකාරය, එහෙම නැත්නම් පිටත පවුර අසල සිදු කරපු විශේෂ කැණීම්වලදී. පුදුමේ කියන්නේ මේ හැම ප්‍රතිමාවක්ම අඟල් 3.5ක විතර උසින් යුක්තයි. ඒ වගේම හරිම සියුම්ව ලෝකඩවලින් හදලා මතුපිට රන් ආලේප කරලයි තියෙන්නේ.

මේවායේ තියෙන කලාත්මක ලක්ෂණ සහ නිමාව දැක්කම පුරාවිද්‍යාඥයෝ කියන්නේ මේවා ක්‍රිස්තු වර්ෂ 7 වන සහ 8 වන සියවස්වලට, ඒ කියන්නේ අනුරාධපුර යුගයේ මධ්‍යම භාගයට අයත් නිර්මාණ බවයි!

එතකොට අපිට හිතෙනවනේ, මෙච්චර වටිනා බුද්ධ ප්‍රතිමා 17ක් එකම තැනක මෙහෙම තැන්පත් වෙලා තිබුණේ කොහොමද කියලා?

අන්න එතැන තමා මේ කතාවේ තියෙන අමුතුම ඓතිහාසික සිදුවීම තියෙන්නේ! අනුරාධපුර යුගයේදී එල්ල වුණු සතුරු ආක්‍රමණයක් වෙලාවේ, මේ පූජනීය වස්තූන් ටික වි# නාශ වෙන එකෙන් හරි, සතුරන් අරන් යන එකෙන් හරි බේරාගන්න එදා හිටපු අපේ හාමුදුරුවරු හරිම පරිස්සමෙන් කටයුතු කරලා තියෙනවා.

උන්වහන්සේලා මේවා වෙනත් ආරක්ෂිත තැනකට අරන් යන්න හදද්දී, ක්ෂණිකව ආපු තර්ජනයක් නිසා වෙන්න ඇති ආරාමයේ උතුරු බැම්ම අසල පස් යට ඉක්මනටම සඟවන්න ඇත්තේ කියලා පුරාවිද්‍යාඥයන් අනුමාන කරනවා.

එදා අභයගිරි නිකායට අයත් ප්‍රධාන ශාස්ත්‍රීය හා ආගමික මධ්‍යස්ථානයක් වුණු මේ සංකීර්ණයෙන් හමු වුණු මේ පුරාවස්තු ටික, අපේ අතීත මුතුන්මිත්තන්ගේ තිබුණු ඉහළම ලෝකඩ වාත්තු ශිල්පය සහ රන් ආලේපන තාක්ෂණය මුළු ලෝකයටම පෙන්නුම් කරනවා.

ඒ විතරක් නෙවෙයි, එදා කාලයේ පැවැති දේශපාලනික නොසන්සුන්තාවන් සහ අපේ අතීත ආගමික උරුමය රැකගන්න කරපු කැපකිරීම් ගැනත් මේකෙන් ලොකු සාක්ෂියක් ලැබෙනවා.

අපේ අතීත හෙළ උරුමයේ තියෙන අභිමානය සහ තාක්ෂණය ගැන ඔයාලට මොකද හිතෙන්නේ? පහළින් Comment එකක් දාගෙන යන්න, යාළුවන්ටත් බලන්න Share කරන්න!

උපුටා ගැනීම :Hela Rahas