පිලිපීනයම හෙල්ලූ වගුරු බිමේ මිනීකන යක්ෂයා

“ලොලොන්ග්” (Lolong)

ඔයාලා චිත්‍රපට වල ඕනෑතරම් මිනීකන දරුණු කිඹුල්ලු දැකලා ඇති. හැබැයි මේ කියන්න යන්නේ නිකන්ම නිකන් කිඹුලෙක් ගැන නෙවෙයි. විද්‍යාත්මකව මැනලා, නිල වශයෙන්ම ගිනස් වාර්තා පොතට ඇතුළත් වුණු ලෝකයේ මෙතෙක් වාර්තා වූ “දිගම සහ විශාලම” කරදිය කිඹුලා ගැනයි!

අද අපි කියන්න යන්නේ ලෝක සත්ව ඉතිහාසය උඩුයටිකුරු කරපු, මිනිස්සුන්ව ගිල දාපු, ලෝකයේ විශාලතම මිනීකන යක්ෂයා… “ලොලොන්ග්” ගේ ඇඟ හිරි වැටෙන සත්‍ය කතාවයි!

කවුද මේ ලොලොන්ග්?

2011 අවුරුද්ද වෙනකම්ම පිලිපීනයේ “බුනාවන්” (Bunawan) කියන කුඩා ගම්මානයේ වගුරු බිම් අයිනේ ජීවත් වුණු මිනිස්සු හිටියේ මහා මරණ බයකින්. මොකද, ඒ පළාතේ වතුරට බහින සත්තු විතරක් නෙවෙයි, මිනිස්සු පවා එකපාරටම අතුරුදන් වෙන්න පටන් ගත්තා.

ගම්වාසීන් කිව්වේ වතුර යට මහා අද්භූත මෘගයෙක් ඉන්නවා කියලා. ඒ කතාව ඇත්තක් කරමින්, දවසක් ගමේ හිටපු දක්ෂ ධීවරයෙක් වගේම, 12 හැවිරිදි පාසල් දැරියක්ව මේ වගුරු බිමේදීම අතුරුදන් වුණා. පස්සේ සොයාගත්තේ මුන් දෙන්නවම වතුර යට ඉන්න මහා යක්ෂයෙක් බිලි අරන් තියෙන බවයි!

සති තුනක මහා මෙහෙයුම!

මේ මිනීකන්නාව අල්ලන්න ගම්වාසීන්, රජයේ නිලධාරීන් වගේම දක්ෂ දඩයම්කරුවන් එකතු වෙලා මහා මෙහෙයුමක් පටන් ගත්තා. හැබැයි ඒක ලේසි වුණේ නැහැ. ඌව අල්ලන්න දාපු යකඩ කම්බි වලින් හදපු උගුල්, බෝට්ටු පවා මේ මෘගයා එක පාරින් කඩා බිඳ දැම්මා. සති තුනක් තිස්සේ කරපු මහා සටනකින් පස්සේ, මිනිස්සු 100කට වඩා එකතු වෙලා දාපු දැලකට අන්තිමේදී මූ කොටු වුණා.

ඌව වගුරු බිමෙන් ගොඩට ගන්න විතරක් මිනිස්සු 100කට වඩා එකතු වෙලා ලොකු කඹ වලින් අදින්න සිද්ධ වුණා!

ගිනස් වාර්තාව සහ මහා බිය!

මේ කිඹුලාව ගොඩට අරන් මනිද්දී මුළු ලෝකයම හොල්මන් වුණා.

දිග: අඩි 20කුත් අඟල් 3ක්! (හරියට ලොකු බස් එකක් වගේ)

බර: කිලෝග්‍රෑම් 1,075ක්! (ටොන් එකකටත් වඩා වැඩියි)

මේ වෙනකම් ලෝකයේ මිනිස්සුන්ගේ පාලනයට අහුවුණු විශාලතම කරදිය කිඹුලා (Saltwater Crocodile) විදියට “ලොලොන්ග්” ගිනස් වාර්තා පොතට ඇතුළත් වුණා. ඌව අල්ලන්න දායක වුණු, මෙහෙයුම අතරතුරදී හෘදයාබාධයකින් මියගිය දක්ෂ පරිසර නිලධාරියෙක් වුණු “අර්නස්ටෝ ලොලොන්ග්”ට ගෞරවයක් විදියට තමයි මේ කිඹුලාට “ලොලොන්ග්” කියලා නම තිබ්බේ.

මෙහෙයුමෙන් පසු සිදු වූ දේ…

ලොලොන්ග්ව අල්ලලා විශේෂ සත්වෝද්‍යාන පරිශ්‍රයක ආරක්ෂිතව හැදුවා. ඌව බලන්න මුළු ලෝකෙන්ම සංචාරකයෝ ගලාගෙන ආවා. හැබැයි නිදහසේ මහා වගුරු බිම් පීරපු මේ දැවැන්තයාට කූඩුවක් ඇතුළේ වැඩි කල් ඉන්න ලැබුණේ නැහැ. මිනිස්සුන්ට තිබුණු බය නැති කරපු ලොලොන්ග්, 2013 අවුරුද්දේදී ඇතිවුණු අසනීප තත්ත්වයක් නිසා මියගියා.

හැබැයි අදටත් පිලිපීනයේ මිනිස්සු කියන්නේ ලොලොන්ග් කියන්නේ ඒ වගුරු බිම් වල හිටපු එකම දැවැන්තයා නෙවෙයි කියලා. මීට වඩා ලොකු සත්තු තවමත් ඒ මහා වගුරු යට සැඟවිලා ඉන්නවා කියලයි ඔවුන් විශ්වාස කරන්නේ!

ඉතින්, ඩයිනසෝරයෙක් වගේ හිටපු මේ මහා මිනීකන යක්ෂයා “ලොලොන්ග්” ගැන ඔයාලගේ අදහස මොකක්ද? පල්ලෙහායින් කමෙන්ට් කරන්න.

උපුටා ගැනීම : Unknown Diary