බෝර්නියෝ වැසි වනාන්තරයේ සිදුවූ මේ සිදුවීම ඔබගේ හදවත සංවේදී කරවනු නොඅනුමානයි.

තමන්ගේ එකම නිවහන වූ මහා වනාන්තරය යන්ත්‍ර සූත්‍ර මගින් බිමට සමතලා වන විට, කිසිවක් කරකියාගත නොහැකිව අසරණ වූ ඔරංඔටන් සත්ත්වයෙක් ඒ දෙස බලා සිටියා.

අවසානයේ, තම ලෝකය දිනෙන් දින විනාශ වී යන විට ඔහු කළේ අතිශය සංවේදී ක්‍රියාවකි.

​ඔහු මර බිය හෝ කෝපය අමතක කර, තමන්ගේ නිවහන වනසන දැවැන්ත කැනීම් යන්ත්‍රය (Excavator) වෙත ගමන් කර, එහි බාල්දිය තම දෑතින්ම අල්ලා ගත්තේය.

එය ප්‍රහාරයක් නොව, “කරුණාකර මගේ නිවස විනාශ කරන්න එපා” යැයි කියන්නාක් මෙන් වූ මහා වේදනාත්මක ආයාචනයක් විය.

​වාසනාවකට මෙන්, එම ස්ථානයේ සිටි ‘ජාත්‍යන්තර සත්ව සංරක්ෂණ’

(International Animal Rescue) කණ්ඩායම වහාම ක්‍රියාත්මක වී ඔහුව ආරක්ෂිතව මුදාගෙන ප්‍රතිකාර මධ්‍යස්ථානයක් වෙත රැගෙන ගියේය.

අද ඔහු ආරක්ෂිතයි. නමුත් තවමත් අපේ මිහිතලය මත මෙවැනි අසරණ සතුන් දහස් ගණනක් තම වාසස්ථාන අහිමිව මරණයේ දොරකඩ සිටිති.

​අපේ සංවර්ධනය වෙනුවෙන් ඔවුන්ගේ ලෝකය විනාශ කිරීම සාධාරණද?

උපුටා ගැනීම : Dutu Nodutu Lokaya