පුදුම සහගත මොහොතක්

මේ පින්තූරෙන් පේන්නේ හරිම පුදුම සහගත මොහොතක් . ඒ තමයි ‘white-tailed kite’ කියන කුරුල්ලෙක්ට අහුවුණු පොඩි මීයෙක් (field vole) , හරියටම කැමරාව දිහා බලපු වෙලාව .

මේ කුරුල්ලා සුදු සහ අළු පාට පිහාටු තියෙන , රතු පාට ඇස් තියෙන , දඩයම් කරන්න දක්ෂ පක්ෂියෙක් . සාමාන්‍යයෙන් මුන් එකපාරටම පහත් වෙලා පොඩි සත්තුන්ව ඩැහැගන්නවා . මේ පින්තූරේ ඉන්න මීයා කුරුල්ලගේ තියුණු නියපොතු වලට අහුවෙලා අහසට උස්සගෙන යනකොට , මීයාගේ මූණේ තියෙන්නේ බයක් නෙවෙයි, හරියට ‘ජීවිතේ ගැන ලොකු අවබෝධයක් ලැබුණා’ වගේ අමුතුම බැල්මක් .

ඒ වගේම, මේ කුරුල්ලයි මීයයි දෙන්නම එකම වෙලාවේ ඉතාමත් පැහැදිලිව (perfect focus) කැමරාවට අහුවෙලා තියෙනවා . මීයාගේ මූණත් කෙලින්ම කැමරාව පැත්තට හැරිලා තියෙන මේ වගේ අවස්ථාවක් ලැබෙන්න තියෙන්නේ දහස් ගාණකට එකක වගේ ඉතාම අඩු ඉඩකඩක් . වනජීවී ඡායාරූප ශිල්පයේදී (wildlife photography) ‘ජීවිතේටම එක පාරක්’ ගන්න ලැබෙන මේ වගේ දුර්ලභ පින්තූරයක් නිසා තමයි මේක මුළු ලෝකය පුරාම මේ තරම් ප්‍රසිද්ධ වුණේ .

උපුටා ගැනීම : Chaminda Lakmal Kalubovila