වැස්සෙන් පස්සේ කියන්නේ එයාලට වසන්ත සමය..

වැස්සෙන් පස්සේ… වේයන්ට එකපාරටම පියාපත් ලැබෙන්නේ ඇයි?

වැස්සක් වැටී ඉවර වුණාම, විශේෂයෙන් උණුසුම් හා තෙත් දවසකට පස්සේ, පියාපත් ඇති වේයන් විශාල ප්‍රමාණයක් එකවර පිටතට එනවා දැකලා ඇති.

ඒවාට අහම්බෙන් පියාපත් ලැබුණා නෙමෙයි.

ඒ වේයන් reproductive termites — ප්‍රජනන වේයන්.

කොලනියක් පරිණත වුණාම, එහි alates ලෙස හඳුන්වන පියාපත් සහිත ප්‍රජනන වේයන් නව කොලනි පිහිටුවීමට පිටතට පැමිණෙනවා.

වැස්සට පස්සේ ඇයි?

වැසි සහිත තෙත් තත්ත්වය මේ nuptial flight/swarming ( විවාහ පියාසැරිය / රංචු ගැසීම) එකට සුදුසු පාරිසරික සංඥාවක් වෙන්න පුළුවන්. වැස්සෙන් පසුව පරිසරයේ ආර්ද්‍රතාව වැඩි වීම, පස තෙත් වීම සහ සුදුසු උෂ්ණත්වය වැනි කරුණු එකට පැමිණීමෙන්, සමහර වේයන් විශේෂවල පියාපත් සහිත ප්‍රජනන සතුන් එකවර පිටතට පැමිණීමට හේතු වෙනවා.

ඊට පස්සේ මොකද වෙන්නේ?

පියාපත් ඇති වේයන් විශාල වශයෙන් පිටතට පියාසර කරලා සහකරුවන් සොයා ගන්නවා.

යුගලයක් සෑදුණු පසු ඔවුන් පියාපත් ගලවා දමා, සුදුසු ස්ථානයක් සොයාගෙන නව වේයන් ජනපදයක රජු සහ රැජින බවට පත්වෙන්න පුළුවන්.

ඒ නිසා වැස්සෙන් පස්සේ අපි දකින මේ පුංචි පියාසර කරන වේයන්…

ඇත්තටම නව කොලනි ආරම්භ කරන්න පිටත්වෙන පරම්පරාවක්.

වැස්සෙන් පස්සේ අහසට නැඟෙන්නේ…

පුංචි වේයන් නෙමෙයි.

නව කොලනි ආරම්භ කරන්න පිටත්වෙන අලුත් පරම්පරාවක්.

Nature – ස්වභාවධර්මය