මරණයේ පිහි තල? ලොව භයානකම “ගල් වනාන්තරය”

Tsingy de Bemaraha

ඔබ වනාන්තරයක් කිව්ව ගමන් හිතන්නේ කොළ පාට ගස්, ලස්සන මල් තියෙන තැනක් ගැන නේද? හැබැයි මේ කියන්න යන වනාන්තරය සම්පූර්ණයෙන්ම ඊට වඩා වෙනස්. මෙතන තියෙන්නේ ගස් වෙනුවට අහස දෙසට එසවුණු මුවහත් පිහි තල වැනි හුණුගල් කුළුණුයි. මැඩගස්කරයේ පිහිටා තියෙන මේ අමුතු වනාන්තරය හඳුන්වන්නේ “Tsingy de Bemaraha” කියලයි.

ප්‍රමාණය

මෙය හුදෙක් කුඩා ප්‍රදේශයකට සීමා වූ තැනක් නෙවෙයි. මෙහි ප්‍රමාණය ගැන ඇහුවොත් ඔබ පුදුම වේවි:

• මුළු වපසරිය: මෙම ජාතික උද්‍යානය සහ රක්ෂිතය වර්ග කිලෝමීටර් 1,500ක් (හෙක්ටයාර 150,000කට වඩා) පුරා විහිදී පවතිනවා. මෙය අපේ රටේ කොළඹ දිස්ත්‍රික්කයටත් වඩා දෙගුණයකටත් වඩා විශාල ප්‍රදේශයක්!

• ගල් කුළුණුවල උස: මෙහි ඇති හුණුගල් කුළුණු සමහරක් අඩි 300ක් (මීටර් 100ක්) පමණ උසට අහස දෙසට විහිදී තිබෙනවා. ඒ කියන්නේ මහල් 30ක පමණ ගොඩනැඟිල්ලක උසට සමානයි.

• දිගු ගවේෂණය: මේ වනාන්තරයේ එක කෙළවරක සිට අනෙක් කෙළවරට යාමට සති ගණනාවක් ගත විය හැකි අතර, තවමත් කිසිදු මිනිසෙකු පය නොතැබූ අඳුරු ගුහා සහ පටු මංමාවත් දහස් ගණනක් මෙහි පවතිනවා.

ඇයි මේක මේ තරම් භයානක?

1. “හිස් පතුලෙන් ඇවිදින්න බැරි තැන”

දේශීය භාෂාවෙන් “Tsingy” කියන වචනයේ තේරුම “හිස් පතුලෙන් ඇවිදින්න බැරි තැන” (Where one cannot walk barefoot) යන්නයි. මෙහි ඇති හුණුගල් කුළුණු කෙතරම් මුවහත්ද කියනවා නම්, වැරදීමකින් හෝ කකුල ලිස්සා වැටුණොත් එය මාරාන්තික තුවාලයක් වෙන්න තත්පරයක්වත් යන්නේ නැහැ.

2. මාරක පටු මංමාවත්

මේ ගල් කුළුණු අතර තියෙන්නේ ඉතාමත් පටු, අඳුරු ගුහා වැනි මාර්ගයි. ඇතැම් තැන්වලින් රිංගා යාමට ශරීරය හොඳින් නම්‍යශීලී විය යුතු අතර, අතරමං වුවහොත් සොයාගැනීම පවා ඉතාමත් අපහසුයි.

3. මිනිසාට ළඟා විය නොහැකි ඉසව්

මේ වනාන්තරයේ ඇතැම් කොටස්වලට අදටත් මිනිසෙකුට ඇතුළු වෙන්න බැරි වෙලා තියෙනවා. ඒ නිසාම මේ ගල් කුළුණු මුදුන්වල ලෝකයේ වෙන කොහේවත් දකින්න නොලැබෙන අමුතු සත්තු සහ පැළෑටි වර්ග ජීවත් වෙනවා.

මෙහි වෙසෙන “අමුතු” ජීවීන්

මෙතරම් රළු පරිසරයක වුවත්, මේ ගල් කුළුණු මත ඉතාමත් දක්ෂ ලෙස පැන යා හැකි Lemurs (ලීමර්ස්) වැනි සතුන් මෙහි ජීවත් වෙනවා. ඔවුන් මේ මුවහත් ගල් අතර පනින්නේ හරියට සර්කස් සංදර්ශනයක් පවත්වනවා වගේයි.

මෙය නිර්මාණය වුණේ කොහොමද?

විද්‍යාඥයන් පවසන පරිදි වසර මිලියන 200කට පෙර මේ ප්‍රදේශය මුහුදු පතුලක්ව පැවති එකක්. කාලයත් සමඟ මුහුදු මට්ටම අඩු වී, මහා වැසි ජලයට මේ හුණුගල් තට්ටු සේදී යාමෙන් තමයි අද දකින මේ මුවහත් “පිහි තල” හැඩය නිර්මාණය වී තිබෙන්නේ.

ඔබට මෙවැනි “මාරක” තැනක සංචාරය කරන්න ධෛර්යයක් තියෙනවාද? පල්ලෙහායින් Comment එකක් දාන්න!

උපුටා ගැනීම : Unknown Diary