in

පැළ ආපු අල කන්න පුළුවන්ද? රැලි වැටුණු අල තම්බලා ගත්තොත් හරිද?

අල තෝරද්දී ලොකුද පොඩිද කියලා විතරක් බලන්න එපා. ඒවා තදද, කොළ පැහැ වෙලාද, පැළ ඇවිත්ද, නරක් වෙලාද කියලත් බලන්න. 👇

✅ නැවුම් හා තද අල

නරක් වූ ලකුණු, කොළ පැහැය හෝ අධික පැළ නැති අල තෝරන්න. ගබඩා කර තිබුණත් තවමත් හොඳ තත්ත්වයේ තිබෙන අල භාවිත කළ හැකියි.

⚠️ කුඩා පැළ කිහිපයක් ඇති අල

අලය තවමත් තද හා හොඳ තත්ත්වයේ නම්, පැළ සහ “ඇස්” වටා කොටස් හොඳින් කපා ඉවත් කර භාවිත කළ හැකියි. පැළ කොටස් ආහාරයට ගන්න එපා.

❌ අධිකව පැළ වූ, මැලවුණු හෝ නරක් වූ අල

මෘදු වෙලා, හොඳටම රැලි වැටිලා, කොළ පැහැ වෙලා හෝ අධිකව පැළ ඇවිත් තිබෙන අල ආහාරයට නොගන්න. මෙවැනි අල “පොඩි කරලා කන්න හොඳයි” කියන අදහස වැරදියි.

🔬 ඒ ඇයි?

අලවල ස්වභාවිකව ඇති සොලනීන් ඇතුළු ග්ලයිකොඇල්කලොයිඩ් නම් ද්‍රව්‍ය පැළ, කොළ පැහැති සහ හානි වූ කොටස්වල වැඩි විය හැකියි. ඒවා වැඩි ප්‍රමාණයක් ආහාරයට ගැනීමෙන් බඩේ වේදනාව, වමනය සහ පාචනය ඇති විය හැකියි.

🏠 ගබඩා කරන්නේ කොහොමද?

සිසිල්, අඳුරු හා වියළි තැනක තබන්න. වරින් වර පරීක්ෂා කර නරක් වූ අල වෙන් කරන්න.

📌 අල කෑමක තිත්ත රසක් දැනුණොත් කෑම නවත්වන්න. ආරක්ෂිතද බලන්න කියලා සැක සහිත අල රස බලන්නත් එපා.

📚 මූලාශ්‍ර: ජර්මනියේ BfR ආයතනය සහ එක්සත් රාජධානියේ Food Standards Agency.

Knowledge “දැනුම ”

What do you think?

Written by Mic

ගමන් බිමන් යද්දී ගෙල කොට්ටය (Travel Pillow) භාවිත කරන්නේ නිවැරදිවද?

ශල්‍යකර්මවලට භාවිත කරන තලවල හැඩ එකිනෙකට වෙනස් ඇයි?