සමහර පෙති වතුරේ විසුරුවා ගන්න හදලා තියෙනවා. සමහර ඒවා කට තුළ බිඳී විසිරෙනවා. තවත් ඒවා දිව යට තබන්න හෝ හපා ගන්න සකස් කරලා තියෙනවා.
ඒ වෙනස හඳුනාගන්න ඇසුරුමේ තියෙන මේ නම් උපකාරී වෙන්න පුළුවන්. ![]()
DT — Dispersible Tablet
මේවා උපදෙස් අනුව වතුරේ හෝ සඳහන් කළ සුදුසු දියරයක විසුරුවාගෙන ගන්න සකස් කළ පෙති. කොපමණ දියරයක් අවශ්යද වැනි විස්තර පත්රිකාවෙන් බලන්න.
ODT — Orally Disintegrating Tablet
සාමාන්යයෙන් දිව මත තැබූ විට කෙළ සමඟ කට ඇතුළේ බිඳී විසිරෙන පෙති. මේක දිව යට තබන පෙත්තකට සමාන නැහැ. ඉක්මනින් විසිරුණා කියලා ඖෂධය අනිවාර්යයෙන්ම ක්ෂණිකව වැඩ කරනවා කියන අර්ථයත් නැහැ.
SL — Sublingual
මේවා දිව යට තබා ඖෂධය අවශෝෂණය වීමට සකස් කළ පෙති. සාමාන්ය පෙත්තක් වගේ එකවර ගිලින එක වෙනුවට, අදාළ නිෂ්පාදනයේ භාවිත උපදෙස් පිළිපදින්න ඕනේ.
Chewable Tablet
හපා ගිලීමට සකස් කළ පෙති වර්ගයක්. හැබැයි සාමාන්ය පෙත්තක් දැක්කාම ඒකත් හපා ගන්න පුළුවන් කියලා හිතන්න එපා!
වැදගත්ම දේ:
මේ වචනවලින් කියන්නේ පෙත්ත සකස් කර තිබෙන ආකාරය ගැනයි. ගත යුතු පෙති ගණන හෝ දවසට කී වතාවක් ගන්න ඕනේද කියලා ඒවායින් කියන්නේ නැහැ.
ඇසුරුමේ සහ පත්රිකාවේ උපදෙස් බලන්න.
ගන්නා ක්රමය පැහැදිලි නැත්නම් ඖෂධවේදියාගෙන් අහන්න.
තමන්ම තීරණය කර පෙති කුඩු කිරීම, හපා ගැනීම හෝ වතුරේ දැමීම කරන්න එපා.
බෙහෙතේ නම එක වගේ වුණත්, පෙති වර්ගය වෙනස් විය හැකියි. එතකොට ගන්නා ක්රමයත් වෙනස් වෙන්න පුළුවන්.
මූලාශ්ර: NHS Specialist Pharmacy Service • FDA • WHO
රූපයේ ඇසුරුම් පැහැදිලි කිරීම සඳහා නිර්මාණය කළ උදාහරණ පමණයි.
Knowledge “දැනුම”

